اسلام آباد —
د خیبر پښتونخوا هنګو سیمه کې په خپل سکول د ځان مرګي بریدګر د مخې نیولو پر وخت د وژل شوي زده کونکي اعتزاز حسن کورنۍ وايي د تحریک طالبان لخوا ورته دړکې ورکول کیږي او له حکومت څخه یې د تحفظ غوښتنه کړېده.
په یوې مرکه کې د اعتزاز حسن ورور مجتبی حسن وي او ای ډیوه ته وویل د طالبانو لخوا ورته لیکونه لیږل کیږي چې د خپل ورور د وژنې په اړه دې حکومتي چارواکو سره هیڅ ډول رابطه نه ساتي.
پدغو لیکونو کې طالبان دوي ته وايي چې ددوي ورور په اړه دي په مطبوعاتو کې هم څه خبرې نه کوي.
اعتزاز حسن په ۲۰۱۴ میلادي کال د اپریل په میاشت کې هغه مهال ووژل شو کله چې یې په خپل سکول د یوه ځان وژونکي بریدګر مخه ونیوله، د سکول په سلګونو ماشومان یې وژغورل خو خپل ژوند یې له لاسه ورکړ.
د اعتزاز حسن ورور مجتبی حسن مرکه دلته اوریدای ئ:
