د پنجاب صوبې په گوجرانواله ضلع کې د عیسايي مذهب منونکی ١٨ کلن تن پولیس د مذهب د سپکاوي په تور نیولی دی، په هغه قران د سوځولو الزام لگول شوی دی خو د ملزم پلار وايي په زوي يي د کاروباري رقابت په بنیاد تور لگلول شوی دی.
د گوجرانواله په وزیرآباد تحصیل کې پولیس عیسايي تن د اتوار، یکشنبې، په ورځ په داسې کې گرفتار کړو چې قهرجنو خلکو وهلو تکولو.
پولیس ویلي د گرفتارۍ ورسته ملزم عدالت ته وړاندې کړی شو چرته چې هغه د خپل جرم اعتراف وکړو.
ویل کیږي چې په عیسايي وگړي د یو مقامي جومات امام په وینا مقدمه درج کړی شوي ده. مقدمه درج کونکي تن ویلي هغه ته یو بل تن وویل چې ملزم يي لیدلی و چې د قران پاڼې يي سوځولې.
ویل کیږي کوم تن چې جومات امام ته د عیسايي تن په اړه خبره کړي وه هغه د ردي کاغذونو کاروبار کوي او ملزم هم دغه کاروبار کوي. د عیسايي مذهب تن پلار ویلي په زوي يي د کاروباري رقابت په سر الزام لگول شوی دی.
نور تفصیل اسلام آباد نه د وي او ای ډیوه خبریال ارشد حسین په رپورټ کې اوریدی شئ:
