دپاکستان سپریم کورټ لخوا د وزیراعظم عمران خان نزدې ملگري او د تحریک انصاف لوړ پوړي مشر جهانگیرترین ترعمري نا اهله گرځولو وروسته اوس دا پوښتنه کېږي چې ایا عمران خان به ښاغلې ترین د پارټۍ نه اوباسي ؟
د جهانگیر ترین د نا اهلۍ فېصله تېر کال په دسمبر کې شوې وه او نن په ٢٧ ستمبر سپریم کورټ فېصلې ته د بیا کتنې خواست رد کړې دې.
د عمران خان او جهانگیرترین ترمنځه نزدې اړیکې د چانه پټې نه دي اوپه گوند کې هم جهانگیرترین په تحریک انصاف کې په عمران خان پسې په دویم نمبر گڼل کېږي.
عمران خان د جولاېی د ٢٥ نېټې د ټاکنو وروسته په مرکز اوصوبوکې د حکومتونو جوړولو لپاره د سیاسي گوندونو او اهمو شخصیتونو سره د خبرو اترو لپاره اهمې ذمه وارۍ هم جهانگیر ترین ته ورکړې وې.
د سپریم کورټ ننۍ فېصلې د جهانگیرترین سیاسي رول ختم کړی دی خو د پاکستان یو خبریال طلعت حسېن په ټویټ کې وايي چې جهانگیرترین به اوس هم مضبوط شخصیت وي. ځکه چې هغه د عمران خان غوږونو ته رسايي لري.
طلعت حسین ټویټ عکس
JKT disqualification drives the last nail in his political career. A kingmaker now permanently branded as a liar and financial cheat. He stays relevant and powerful because he has PM Imran’s ear.
— Syed Talat Hussain (@TalatHussain12) September 27, 2018
په اوسني حکومت کې د نااهله گرځولي شوي جهانگیرترین په ځینو حکومتي غونډو او فېصلو کې دهغه په گډون یو بل خبریال عمرچیمه لیکي ایا سپریم کورټ به د عمران خان نه دا پوښتنه اوکړي چې ولې یو نا اهله سړی په حکومتي چارو کې برخه اخلي ؟
عمرچیمه ټویټ
Tareen doesn%27t only attend the meeting, he%27s convener of it & bureaucracy at his disposal. Reps of big businesses in attendance, reports @NokhaizSahi. As SC reviews his JKT disqualification today, will it summon PM to ask how did he assign official biz to a disqualified person? pic.twitter.com/QtBQG9LQjs
— Umar Cheema (@UmarCheema1) September 27, 2018
وزیراعظم عمران خان مخکې ویلي وو چې د جهانگیرترین د راتلونکي په اړه به د عدالت اخیري فېصلې ته انتظارکوي.
عدالت چې نن څنگه د ترین په اړه اخیري فېصله اوکړه نو یوې بلې خبریالې نسیم زهره عمران خان ته خپله پخوانۍ خبره وریاده کړه چې ایا عمران خان به اوس دې د پارټۍ نه اوباسي او که نه؟
نسیم زهره ټویټ
SC upholds JKT ‘s lifetime disqualification from politics. @ImranKhanPTI had said he would wait for SC’s final decision on JKT’s disqualification review petition before appointing a new SecyGen and before removing JKT from all PTI & now govt activities.
— Nasim Zehra (@NasimZehra) September 27, 2018
د جهانگیرترین په نااهله کېدو کې به ممکنه گټه چاته ورسېږي؟
په واکمن تحریک انصاف کې د گوند مشرانو ترمنځه سیاسي سیالي د پخوا راهېسې روانه ده. دا سیالي د هغې وروسته نوره تنده شوه کله چې په درغلیو تورونو تېرو ټاکنو کې تحریک انصاف په مرکز او دریو صوبوکې د حکومت جوړولو جوگه شو.
په گوند کې دننه تر ټولو غټه سیالي د جهانگیرترین او د اوسني خارجه وزیر شاه محمود قرېشي ترمنځه گڼل کېږي.
په سوشل مېډیا دا بحث هم روان دې چې د عدالتي فېصلې نه تر ټولو زیاته گټه هم شاه محمود قرېشي ته رسېږي.
کالا کوا ټویټ
Wonder who%27s the happiest person on earth about JKT%27s knock-out from politics forevermore? pic.twitter.com/1y1xczjRz0
— Kala Kawa (@kaalakawaa) September 27, 2018
د ښاغلي ترین په اړه د عدالتي فېصلې راتلو وروسته د پنجاب په اوسني اعلا وزیر سردار عثمان بزدارباندې هم بحث کېږي. دا پوښتنه به کېدله چې څنگه عمران خان د پنجاب اعلا وزارت لپاره یو لږ پېژندونکې تن اعلان کړلو؟ ددغې پوښتنې سره سم د ټکه دا بحث هم شورو شو چې د پنجاب دغه کم پېژندل شوې سیاسي تن بزدار ځکه د اعلا وزارت لپاره خوښ کړی شو چې وروسته به ېی په جهانگیر ترین بدلوي. خو داسې ښکاري چې د سپریم کورټ دې فېصلې سره دعمران خان او د هغه د نزدې ملگري جهانگیر ترین دا ارمان نېمگړې پاتې شو.