د پښتونخوا حکومت د کورمې پېښه کې د ککړو کسانو په ضد د سختو ګامونو پرېکړه کړې او کورمې ته تلونکی کاروان بیا ایسار شوی

د خېبر پښتونخوا حکومت په ناکراره قبایلي ضلعه کوزه کورمه کې د ډپټي کمشنر په قافله له شوي برید وروسته دغه پېښه کې د ککړو کسانو په ضد د سختو ګامونو پورته کولو پرېکړه کړې. بلخوا په کورمه کې د پرونۍ پېښې وروسته، په ټل کې د خوراکي شيانو او مسافرو کاروان ايسار شوی او د تلو په تمه دی.