د افغانستان تخار ولایت په مرکز تالقان کې د سه شنبې يا نهې په شپه وسله والو د (همصدا) راډیو دوه خبریالان په ډزو وژلي. د پیښې پړه تر اوسه کومې وسله والې ډلې په غاړه نه ده اخیستې.
د بخښنې نړیوال سازمان د دغې پيښې غندنه کړې او په دې اړند یې د هړخیزو پلټنو غوښتنه کړې.
د همصدا راډیو مشره سمین حسیني امریکا غږ ته وییلي چې وسله وال کسان د راډیو انګړ ته پر دېوال اوښتي او له هغه وروسته سټوډيو ته ورننوتي چې دواړه خبریالان رحیم الله او شفیق اریا یې د خپرونې پرمخ وړلو پر مهال ویشتلي.
د افغانستان یو وتلي خبریال لطف الله نجفزاده خپل پر ټویټر پاڼې دغه پیښه غندلې او لیکلي چې له دې پیښې سره د کال ۲۰۱۹ په یوازې ۵ اونیو کې دا د خبریالانو د وژلو درېیمه پیښه ده.
Very tragic that two Afghan journalists Rahimullah Rahmani (left) and Shafiq Arya were killed by unknown gunmen inside their radio studio yesterday evening in northern Takhar province. Three journalists to die in Afghanistan in just the first five weeks of 2019. pic.twitter.com/wxRcRpVUNW
— Lotfullah Najafizada (@LNajafizada) February 6, 2019
په افغانستان کې د امریکا سفیر ښاغلي جان باس په خپل ټویټر پاڼې لیکلي:
"تخار ولایت کې د دوو ځوان خبریالانو په وژنې ډیر خواشینی یم. اوس وخت راغلې چې د خبریالانو پر ضد د دغه شان جرمونو مخه ونیول شي."
Saddened and angered by the deaths of two young Afghan #journalists who were killed as they worked at Radio Hamsada in #Takhar. It is time to #EndImpunity for crimes against journalists. #PressFreedom
— John R. Bass (@USAmbKabul) February 6, 2019
د تخار امنتیې چارواکو وییلي پولیسو د پیښې پلټنې پیل کړي خو تر اوسه د دغې حملې کسان او هدف نه دی په ډاګه شوې.
په افغانستان کې د ۲۰۱۹ کال د پیل راهسې دا دریم خبریال دی چې وژل کېږي.
او له دې تر مخه په جنوري میاشت کې د افغالنستان په فراه ولایت کې وسله والو طالبانو یو تن خبریال ووژلو.