د پاکستان په لوی اقتصادي ښار کراچۍ کې د الېکشن کمېشن د دفتر سره نزدې چاودنه شوې، چارواکو ویلي په چاودنه کې مرګ ژوبله نه ده اوښتې. او بلوچستان صوبه کې د لاسي بمونو په بريدونو کې څو کسان ژوبل شوي دي.
په کراچۍ ښار کې د الېکشن کمېشن د دفتر سره نزدې چاودنه د جمعې په ماښام شوې ده. د ښار د جنوبي ضلعې د پوليسو مشر (اېس اېس پي) ساجد سدوزۍ مطبوعاتو سره خبرو کې ویلي، بارودي مواد په يوه کڅوړه کې اېښودل شوي وو او چاودل شوي دي.
نوموړی ویلي، چاودنه د روکوټې نوعیت وه او څه جاني تاوان یې نه دی کړی.
او پاکستان پیپلزپارټۍ ویلي د بلوچستان صوبې په قلات سيمه کې يې په انتخابي دفتر نامعلومه موټر سايکل سورو کسانو لاسي بم غورځولی او د درې کسان په کې ژوبل شوي دي.
د پاکستان پيپلز ګوند مشر بلاول بټو زرداري په قلات کې د ګوند په انتخابي دفتر شوې بم حمله غندلې او ويلي يې دوی به په بم حملو ونه ويرول شي.
چیئرمین پیپلزپارٹی بلاول بھٹو زرداری کی قلات میں پیپلزپارٹی کے انتخابی دفتر پر بم حملے کی مذمت بھٹو شہید کے جیالے اور محترمہ بینظیر بھٹو شہید کے بہادر بھائی بم حملوں سے نہیں ڈرتے %27بلاول بھٹو زرداریبلاول بھٹو زرداری کی بم حملے میں زخمی کارکنوں کی جلد صحت یابی کیلئے دعا…
— PPP (@MediaCellPPP) February 2, 2024
د ډان ورځپاڼې د خبر ترمخه د بلوچستان په مرکزي ښار کوټې په بايي پاس د ولسي جرګې د امېدوار د دفتر سره نزدې د لاسي بم چاودنه کې څلور کسان ژوبل شوي او کېچ ضلع کې دوه بمونه ناکاره کړی شوي دي.
پاکستان کې په اتمه فرورۍ عام انتخابات اعلان شوي او د انتخاباتو رانزدې کېدو سره په ځانګړي ډول خېبرپښتونخوا او بلوچستان صوبو کې د ناامنۍ پېښې سېوا شوي دي.
د پاکستان چيف الېکشن کمشنر دوه ورځې وړاندې ويلي، انتخابات به په اتمه فرورۍ په خپل وخت کيږي که څه هم امنيتي چېلنجونه موجود دي، خو الېکشن کمېشن به د امنیتي ادارو او پوځ په مرسته د انتخاباتو په وړاندې، خنډانو جوړونکو او امنيت خرابوونکو پرضد به سخته کارروايي کولی شي، چا سره به نرمي نه کيږي.
الېکشن کمېشن ويلي، د انتخاباتو دپاره شوې امنيتي غونډه کې چيف الېکشن کمشنر ویلي، ترهګري د انتخابي عمل تر ټولو غټ دښمن دی خو ويل شوي، نوموړي په امنیتي ادارو د پوره باور څرګندونه کړې او زياته کړې یې ده، د پرامنه انتخاباتو دپاره به ټول ضروري انتظامي او حفاظتي اقدامات کولی شي، سیاسي ګوندونو، امېدوارانو او ووټرانو ته به سازګار ماحول برابرولی شي.
په 31مه جنورۍ د پاکستان پوځي مشرتابه د کور کمانډرانو په کانفرنس کې ویلي وو، د سیاسي فعالیتونو په نوم به هیچاته د تاوتریخوالي رامنځته کولو او بې پلوه او رڼو ټاکنو د جمهوري عمل د ګډوډولو اجازه ور نه کړل شي.
د پاکستان د بشري حقونو کمېشن په يو بيان کې د انتخاباتو په موقعه د تشدد په سیوا شوو پېښو ژوره اندېښنه ښکاره کړې ده او ويلي یې دي څومره چې انتخاباتو ته ورځې رالنډیږي دومره ورسره د تاو تریخوالي پېښې زیاتیږي.