د پاکستان پنجاب صوبې لاهور هايکورټ حکم کړی، د پوځ حاضر سروس لوړ پوړی افسر لفټننټ جنرل منير افسر دې د نادرا د چيرمېن د څوکۍ څخه لرې شي.
د ځايي مطبوعاتو ترمخه، لفټننټ جنرل منير افسر د پوځ حاضر سروس لومړی لوړ پوړی افسر وو، چې د نادرا، نېشنل ډېټابېس يا شناختي کارډونو جوړولو د مرکزي ادارې مشر جوړ کړل شوی وو.
منیر افسر په تېر نګران حکومت کې د نادرا چيرمېن ټاکل شوی او بيا یې د اوسني حکومت کابينې د روان کال مارچ په وروستیو کې د درېو کالو دپاره منظوري ورکړې وه.
اشبا کامران نومې مېرمن د منير افسر تقرري په لاهور هايکورټ کې چېلنج کړې وه.
کامران لاهور هايکورټ ته په خواست کې ويلي وو، چې نګران حکومت د نادرا قانون بدل کړی او حاضر سروس پوځي افسر یې د نادرا چيرمېن لګولی دی.
په خواست کې زياته کړل شوې وه، نګران حکومت د مستقلې پاليسۍ په معاملاتو کې لاسوهنه نه شي کولی، ځکه عدالت دې د نادرا د بدلون اصول غېر قانونه وګرځوي او د حاضر سروس پوځي افسر د چيرمېن نادرا تقرري دې کالعدم کړي.
عدالت نن په پينځم ستمبر په خواست اورېدنه وکړه، او د پوځي افسر ټاکنه یې کالعدم وګرځوله.
د ډان وېب پاڼې د خبر ترمخه، منير اکرم د کال 2023م په اکتوبر کې هغه وخت د نادرا چيرمېن ټاکل شوی چې هغه په پوځي مرکز جنرل هېډ کوارټر، جي اېچ کيو کې د آی جي کميونيکېشن او آی ټي په څوکۍ دنده ترسره کوله.
Forum