د افغانستان په سویلي کندهار ولایت کې په ولسي جرګه کې د ارزګان د خلکو استازی عبیدالله بارکزی په هدفي برید کې خپل ژوند له لاسه ورکړی.
د کندرهار امینه قومندانۍ ویاند مرستیال عبدالسلام افغان وي او ای ډیوه ته وویل چې دا پیښه د کندرهار ښارد شهرنو سیمه کې شوې.
نوموړي وویل:٫٫ د کندهارښار۶ امنیتي حوزې اړوند د شهرنو سیمه کې په یوه تروریستي برید کې عبیدالله بارکزی وژل شوی دا پیښه درې بجې رامنځته شوه.٬٬
د کندهار د پولیسو ویاند مرستیال زیاته کړه پولیسو په سیمه کې پلټنې پیل کړي او ځکه د دې پیښې د رامنځته کیدو د څرنګوالي او نور معلومات نه شي ورکولی او په خبره یې نور معلومات به وروسته له رسنیو سره شریک کړي.
عبیدالله بارکزی په ولسي جرګه کې د ارزګان د خلکو استازی په تیرو دوو دورو کې د ارزګانیانو استازی پاتې شوی او د تیرکال په ټاکنو کې هم ولسي جرګې ته نوماند وو.
د دې پیښې مسئولیت تراوسه کومې ډلې پرغاړه نه دی اخیستی او طالبانو په دې پیښه کې لاس لرل رد کړي دي.
عبیدالله بارکزی په داسې حال کې د نامعلومو کسانو لخوا په وسله وال برید کې وژل شوی چې شاوخوا ۲ کاله وړاندې په کابل کې د هغه په کورد وسله والو لخوا په شوي برید کې د بارکزي د یو زوي په ګډون د کورني یوشمیر کسان وژل شوي و او یوشمیرنور ټپیان شوي وو.
