د اقتصادي چارو نړیوالې مجلې اکانمېسټ ویلي د ارجنټاین، برازیل او ترکي نه پس پاکستان د نړۍ څلورم ملک دی چې د ټولو نه زیاته ګراني یا اېنفېشن پکې ریکارډ شوی دی خو وزیراعظم عمران خان وايي په پاکستان کې اوس هم د نړۍ د نورو ملکونو په مقابل کې ګراني کمه ده.
اقتصاد پوهان وايي په پاکستان کې د توانايي او د خوراکي شیانو بیعې یو تر بله زیاتیږي چې زیات منفي اثر يې د کمې امدنۍ په طبقه غورځېږي.
پوهان وايي پاکستان کې مزدورانو ته د حکومت د مقرر کړی شوي کچې سره سمه تنخا یا معاش نه ورکړی کېږي چې له امله یې په ولس کې د ګرانۍ د زغملو توان کمېږي.
خو حکومت وايي په هدفي رعایتونو ورکولو غور کوي.
په اقتصادي چارو نظر ساتونکی فدا حسین وايي په سویلی ایشیايي هیوادونو کې تر ټولو زیاته ګرانی په پاکستان کی ده. هغه زیاتوي د سیمې په په نورو ملکونو کې د ګرانۍ شرح د دریو نه څلور فیصد ده خو په پاکستان کې دغه شرح نهه فیصد ته رسېدلې ده او د تیلو ګیس او بجلۍ بیعې په ریکارډ کچه زیاتې شوي دي.
فدا حسین وايي که په نړی واله کچه په ګرانۍ کۍ اضافه کېږي نو ورسره خلکو امدن سیوا کېږي خو په پاکستان کې کارکوونکو د حکومت مقرر شوي د تخواه کم نه کم 21000 روۍ هم نه ورکړی کېږي.
دی اکانمېسټ مجلې په خپل اوونيز رپوړټ کې ویلي د پاکستان ګاونډي هیواد هند کې ګراني 4.3 فیصده ده او د ګرانۍ په لسټ کی 16م نمبر دی خو د پاکستان د شمېرنې اداره وايي د ملک په کچه مجموعي ګراني د ستمبر په مقابل کې نهه فیصدي زیاته شوې.
دي اکانمېسټ جریده وايي تر ټولو زیاته ګراني په ارجنټینا کی 51.4 فیصده ده ترکي په دویم نمبر 19.6 فیصده او برازیل کی 10.2 کی لس اعشاريه دوه فیصدی سره په دریم نمبر دی او په جاپان کې منفی صفر اعشاریه څلور فیصده تر ټولو کمه ده.
د اکتوبر په لومړۍ نېټه د پاکستان د شمېرنې اداری پی بی ایس په خپل رپوړټ کی ویلي وو د اګست په مقابل کې په ستمبر کې د خوراکي توکو ګرانی د 8.4 فیصده نه 10.8 ته رسیدلې او د غیر خوراکي شیانو قیمتونه 8.5 فیصده ته ګران شوی
د اقتصاد ماهر لحاظ علی وائی د اکانومسټ د شمېرنې د اداری سره سمون خوری او اداره وایی په ښارونو کی ګرانی په ستمبر کی د لس فیصده نه زیاته ده او په ورستو کی د توانائی او خوراکی شیانو بیعی ډیری جګی شوی او دا قیمتونه ډیر زیات دی
د پاکستان د منصوبه بندۍ وزیر اسد عمر ويلي په ملکی کچه د زیاتو بیعو تعلق په نړیواله کچه د ګرانۍ سره دی خو په راتلوونکو څو میاشتو کې د دی د کمېدو څه امکان هم نشته. اسد عمر ویلي په نړیواله کچه په رسد او طلب کې فرق زیات شوی او حکومت په هدفي سبسډی یا رعایتونو ورکولو غور کوي .
