په جرمني کې سرکاري وکیلې یا څارنوالې د جمعې په ورځ وویل یو افغان شهري په میونخ ښار کې د خلکو په ګڼه د موټر وروستو اعتراف کړی او چارواکو دا تعین کړی چې د جرم په شا اسلامي غرض و. د مشکوک حمله کوونکي پېژندګلو د فرهاد نوري په نوم تن شوې ده.
د میونخ ښار په مرکز کې ۳۶ کسان د زیارت، پنجشنبې، په ورځ د موټر په مشکوکه حمله کې په داسې مهال زخمیان شول چې ۲۴ کلن تن د احتجاج دپاره د یوځای شوي خلکو په مجمع موټر وروېستلو.
سرکاري وکیلې کېبرییل ټېلمېن خبري غونډې ته وویل مشکوک حمله کوونکي منلې چې قصداً يې د مظاهرې په ګډون والو موټر چلولی دی.
هغې وویل د انتهايي احتیاط نه کار اخلي او په بېړنۍ توګه څه فېصله نه کول غواړي خو تر اوسه چې څه معلوم شوي دي په بنیاد يې ویلي شي چې د جرم محرک اسلامي و.
د موټر مشکوکه حمله په داسې حال کې وشوه چې څو ګنټې وروسته د میونخ سېکیورټي کانفرنس په غونډه کې د امریکې نایب صدر جی ډي وېنس او د یوکرېن صدر ولادومېر زېلېنسکي ښار ته رسېدونکي وو.
ټېلمېن وویل تر اوسه داسې څه شواهد نه دي ترلاسه شوي چې د نوري تړون د اسلامي یا د ترهګر تنظیمونو سره ظاهروي. هغې وویل تحقیقات دوام لري چې دا معلومه کړي چې ایا نوري سره نور ملګري وو او که نا او ایا چا د ممکنه حملې په پېشګي معلومات لرل او که نا؟
جرمن چارواکي وايي افغان شهري په کال ۲۰۱۶ کې د یو داسې ماشوم په څېر جرمني ته راغلی و چې د لوی عمر سرپرست يې نه لرلو او په موجوده وخت کې په جرمني کې په قانوني توګه اوسېدلو او مخکې په څه جرم نه دی سزا شوی.
په جرمني کې د فېبرورۍ په ۲۳ نېټه انتخابات کېدونکي دي او داسې حال کې چې په تېرو څو هفتو کې د تشدد نورې پېښې هم شوي دي په ووټونو کې مهاجرت یا اميګرېشن او امنیت اهمې مسلې ګڼل کېږي.
Forum