د امریکې د فټ بال مشهور لوبغاړی او اداکار او جی سېمپسن چې په کال ۱۹۹۵ کې د خپلې ښځې د قتل په مقدمه کې بري شوی و خو په بله مقدمه د هغې د مرګ ذمه وار بلل شوی و او وروسته د شوکې او د دوو کسانو د تښتولو جرم کې قېد شوی و د ۷۶ کالو په عمر کې وفات شو.
د او جی سېمپسن کورنۍ د زیارت، پنجشنبې، په ورځ د لارې سوشل ميډیا وویل هغه د شورو، چهارشنبې، په ورځ د کېنسر یا د سرطان د ناروغۍ دلاسه ساه ورکړه.
په او جی سېمپسن د قتل په الزام په عدالت کې اورونه مطبوعاتو د دې "پېړۍ مقدمه" بلله. هغه د لاس اېنجلس ښار جیوري یا د منصفانو شورا د الزاماتو نه بیا بري کړو.
په هغه الزام و چې په کال ۱۹۹۴ کې یې په لاس اېنجلس ښار کې خپله پخوانۍ ښځه نېکول براون سېمپسن او د هغې ملګری رونلډ ګولډمېن په قاچو وژلي وو.
په دغه مقدمه کې د بري کېدو وروسته اوجی سېمپسن ته په نېواډا ریاست کې په ۲۰۰۸ کې د شوکې په دولسو الزاماتو او د دوو کسانو د تښتولو په جرم نهه کاله د قېد سزا ورکړی شوه او هغه په زندان ته ولېږل شو.
سېمپسن "دي جوس" یا د شربت په نامه هم یادېدو او د نونسوه شپیم او د نونسوه اوویایم په لسيزو کې د امریکې د بهترینو لوبغاړو څخه یو و.
په فټ بال او په اشتهارونو کې د بې مثاله شهرت وروسته سېمپسن په فلمونو کې هم کار وکړو او د نېکېډ ګن په شان د هالي ووډ په ځینو مشهورو فلمونو کې یې اداکار وکړه.
د سېمپسن د شهرت دوره هغه وخت بدله شوه چې د نیکول براون سېمپسن او د هغې د ملګري ګولډمېن په چاقو وهل شوي مړي په ۱۹۹۴ کې په لاس اېنجلس ښار کې د دوی د کور نه بهر وموندل شوو.
د وژنو شک په سېمپسن وشو. هغه ته امروشو چې ځان پولیس ته ورکړي خو هغه د پاسپورټ په لاس د یو ملګري سره د تښتېدو کوښښ وکړو. پولیس هغه په لاس اېنجلس ښار کې ونیولو د قتل الزامات يې پرې ولګول.
د هغې د ګرفتارۍ وروسته په عدالت کې اورونه شروع شوه چې د امریکې د شلمې پېړۍ تاریخ د ټولو نه بدمانه مقدمه او د مطبوعاتو سرکس بلل کېږي.
په دغه مقدمه کې د خلکو او د مطبوعاتو د دلچسپۍ ډیر مواد وو. یومالداره تن چې د قتل د الزاماتو په ضد يې خپله دفاع کوله، یو تورپوستی تن چې دا الزام پې لګول شوی و چې په حسد کې يې خپله پخوانۍ سپين پوستې ښځې وژلي، هغې ترې ځکه طلاق احیستی و چې ده به وهله ټکوله، هغه د ډیرو قابلو وکیلانو یا قانون پوهان ډله لرله او د حکومتي وکیلانو غلطۍ هم د توجه وړ وې.
د مقدمې د شروع کېدو راهسې سېمپسن ځان "سل فیصده" بې ګناه بللی و او په کال ۱۹۹۵ کې چې بري کړی شو نو د جیوري یا د منصفانو د شورا د غړو شکریه یې ادا کړه.
د سېمپسن مقدمې د امریکې توجه ځان د راګرځولې وه.
د هغه وخت د امریکې صدر بېل کلېنټن د خپل سېکرېټري په دفتر کې د جیورې د فېصلې اورولو منظر کتلو. ګڼ شمېر تورپوستو امریکایانود سېمپسن په بري کېدو خوشحالي وکړه چې هغه د پولیس د تعصب ښکار شوی دی. ډیرو سپین پوستو د هغه په بریت د مایوسۍ اظهار کولو.
د بري کېدو وروسته سېمپنس په وېل چې د نېکول او د ګولډمېن قاتل یا قاتلان به معلوموي او دا يې د ژوند بنیادي مقصد دی.
په ۱۹۹۷ کې د ګولډمېن او د نېکول د کورنیو په مقدمه کې د سپين پوستو د اکثریت جیوري سېمپسن د دوو وژنو ذمه وار وبللو او هغه ته یې امر وکړو چې نېکول او ګولډمېن کورنیو ته د ۳۳ اشاریه پېنځه مېلین ډالرو تاوان ورکړي. سېمپسن بري کوونکي جیوري کې اکثریت د تور پوستو منصفانو و.
د قتل په مقدمه کې د بري کېدو دیارلس کله وروسته، په ۲۰۰۸، سېمپسن ته د شوکې او د دوو کسانو د تښتولو په جرم تر۳۳ کلونو د قېد سزا ورکړې شوه.
د ښه چلند په سبب سپېمسن د ۷۴ کلونو په عمر کې په ۲۰۲۱ کې د وخت نه مخکې د بند نه ازاد کړی شو.
په کال ۲۰۱۶ کې د سېمپسن د ژوند په قېصه اسګر انعام ګټونکی فلم او جی مېډ ان امریکا جوړ شو.
اورنتال جېمز سېمپس د کال ۱۹۴۷ د جولای د میاشت په نهمه نېټه د امریکې په سان فرانسېسکو ښار کې پېدا شوی و.
Forum