د اسلام اباد هاې کورټ د امریکايي ډرون حملې نه د اغېزمنې یوې کورنۍ په خواست د پاکستان حکومت ته په اسلام اباد کښې د امرېکې د استخباراتې ادارې د پخوانې مشر په ضد د قانونې اقداماتو پېل کولو امر کړی دی.
بلخواه د ډرړن حملې نه متاثره تن وکېل وايي چې د عدالتې پرېکړې ترمخه هاغه پاکستانې چارواکې هم د قانونې کاروايي سره مخامخ کېدلی شي چې د امرېکې سره په ډرون حملو کښې مرسته کوې.
د شمالې وزیرستان اوسېدونکې کرېم خان دعوې ده چې په کال ٢٠٠٩ م کښې ډرون د ده زوی او ورور وژلي دي.
د کريم خان په خواست په کال ٢٠١٥م کښې د اسلام اباد هایي کورټ په حکم د دغه برید په سر د پایتخت پولېس په پاکستان کښې د سې اې اے پخوانې مشر جوناتن بېنکس په ضد مقدمه درج کړه خو وورسته بېا دا قِضېه پېښور کښې فاټا سېکرېټېرېټ ته وسپارل شوه.
د پولېس دغه پرېکړې خلاف د کرېم خان په اپیل هايي کورټ د مقدمې اسلام آباد کښې دبحالۍ ترڅنګ د پاکستان مرکزي حکومت ته دې قضېه کښې نومول شوو ملزمانو په ضد قانونې کارواې پېل کوولو حکم کړې دی.
د اورېدنې په محال جسټس شوکت صدېقې ووویل که چرې امریکا د پاکستان د خاورې نه خپل ملزمان اوچتولې شې نو پاکستان ولې د امریکاې وګړو په ضد کارواې نه شې کوولې؟
د کریم خان وکیل شهزاد اکبر وي او یا ډېوه ته وویل چې د دغه عدالتې پرېکړې تر مخه هغه پاکستانې چارواکې هم د قانوني کارواې سره مخ کېدلی شي چې امريکې سره ډرون حملو کښې مرسته کوي.
د پاکستان حکومت ډرون بریدونه د نړي والو قوانینو او د پاکستان د خپل واکۍ په ضد بولي.
د دغه برېدونو نه متاثره کورنۍ دا تور لګوي چې پاکستان دغه برېدونو لپاره د امرېکې سره پټې مرستې کوي خو د حکومت لخواه پېښور هاې کورټ ته وویل شوي چې نه خو دا حملې د پاکستان په خوښه کېږې او نه پکښې پاکستان مرستې کوې.
د پاکستان پارلېمنټ وخت په وخت د ډرون بریدونو په ضد قراردادونه منظور کړې دي. په وورستیو کښې سېنېټ یو قرارداد منظور کړی چې پکې د پاکستان حکومت نه غوښتل شوي د امریکې نه دې د ډرون حملو د متاثرینو لپاره د مالې معاوضې تقاضاه وشي.
د ېوې نړې والې غیر حکومتي ادارې، بېورو اف انوېسټېګېټو جرنلزم، د شمېرو تر مخه پاکستان کښې د کال ٢٠٠۴ م راهسې ۴٢٩ د ډرون برېدونو کښې ٢٩٣٨ تنان مړه شوي چې پکښې ۴۴٠ عام وګړي شامل دي.
په قبایلې سیمو کښې تر اوسه شوې ډرون برېدونو کښې د پاکستان پوځ او وګړو په وژنو کښې ککړ د لاقانونه ګرځول شوې تحرېک طالبان پاکستان پخوانی مشران بیت الله محسود او حکېم الله محسود وژل شوي او دغه رنگ د القاعده او د نورو نړي والو ترهګرو ډلو سره تړاو لرونکې ترهګر وژل شوي دي.
تېر کال د پاکستان په بلوچستان صوبه کښې ډرون د افغان طالبانو مشر ملا اختر منصور ووژلو.
