د پاکستان د اطلاعاتو مرکزي وزیر فواد احمد چوهدري وايي د پاکستان اقتصادي اشارې مثبت دي او په څو میاشتو کی به په ګرانۍ قابو بیا مومي او د اقتصادي پر مختيا ټاکل شوي د څلور نه تر پینځه فیصده پورې هدف به پوره کړی شي.
خو اقتصاد پوهان روان کال کې پینځه فیصده اقتصادي پرمختیا هدف پورا کول مشکل ګڼي. او په ملکي کچه د مخ په زیاتي تجارتي خسارې، پاکستاني روپۍ د ډالر په مقابل کی پرله پسې غورزیدو او په نړي واله کچ د تیلو او خوراکي شیانو د زیات قیمتونو له وجې د راتلونکي جون میاشتې پورې په ګرانۍ کې د کمي هیڅ امکان نه ويني.
د ماهرانو په خیال د حکومت مخالفو سیاسي ګوندونو له خوا به د ګرانۍ او مالیاتی بل په ضد احتجاجونه د حکومت دپاره مشکلات نور سېوا کړي.
د اقتصاد ماهر مهتاب حیدر وایي د پاکستان حکومت په خپله د مرکزی بینک په ذریعه ګامونه اخلي چې د اقتصادي پرمختيا روانه وساتي، خو دی وايي خیال نه کوي چې چې روان مالي کال کې د پرمختیا پینځه فیصده هدف پوره شي.
حیدر وايي تیر مالي کال هم د سود شرحې د زیات والي په وجه پرمختيايي هدف متاثره شوی وو. هغه وايي بیا به هم د پاکستاني روپۍ قیمت پرله پسې کمیږي او امکان نه لري چې په ګرانۍ به راتلونکې شپږ و میاشتو پورې قابو بیا موندی شي.
د حیدر په آند په کوم حساب چې دا وخت روپۍ د ډالر په مقابله کې غورزیږی او ټول انحصار په درامداتو دی نو تر څو چې دا نه وي قابو شوی ګراني به د کمیدو په ځای زیاته شي.
نړۍ والې مالیاتي ادارې هم دا امکان څرګنده وي چې په نزدې ورځو کې د خوراکي توکو او تیلو په بیعو کې د کمي څه امکان نشته، د پاکستان زیات انحصار په درامداتو دی نو ګراني به د جون پورې په بره روانه وي.
د پاکستان د اقتصادي رابطه کمیټۍ په وروستیو کې 106اربه روپۍ منظور کړي دي چې په خوراکي شیانو کې غریبو او بی وزله خلقو ته رعایتونه ورکړي.
د پاکستان د شمیرنې ادارې په وروستیو کې په خپل رپوړټ کې وئیلي دي ګراني 12.5 فیصده ته رسیدلې او د کال په حساب د ګرانۍ رفتار 19 فیصده نه هم زیات دی.
د پاکستان مرکزي بینک وایي د ډالر په مقابله کې د روپۍ بيعه نوره کمه شوی.
د څیړنې ادارې وايې د تیر کال جولايي راهسې د روپۍ قیمت د ډالر په مقابل کی 16.18 فیصده کم شوی. سرکاري شمیرې وايي تیر کال 2021په می کی د ډالر په مقابل کې د روپۍ بیعه 152 او 27پیسی وو او په تیرو 6میاشتو کی د روپۍ په قدر کی 19روپۍ او 38پیسی کمی راغلی.
د اقتصاد ماهرسجاد احمد وايي که د حکومت له په پارلیمان کی وړاندی کړی شوی مالیاتي بل منظور شي نو ګراني به نوره هم زیاته شی.
په نړي وال مارکیټ کې د تیلو بیعی به بیا زیاتې شي او د روان کال د جنوری په 15 نیټه ګمان کیږي په پاکستان کې بیعې نورې سیوا کیدی شي.
د پاکستان د تجارتي خسارې یوازې په دسمبر کې 5 اربه ډالره ته رسیدلي او په روان مالي کال کې به دا د 9اربه نه زیاتې شي.
نړۍ واله د خوراک اداره وایي په نړي واله کچه ګراني 27 فیصده زیاته شوی.
څیړنې وايي په وروستیو کې په مرکزي ایشیايی هیواد قازقستان کې د تیلو د ګرانۍ په سر احتجاجونه پیل شوي چې پکښی د تشدد په نتیجه کی ګڼ شمیر خلقو ژوند هم د لاسه ورکړی.
هم دغه رنګه په ترکي کی د ډالر په مقابله کې د ترکی کرنسي لیرا هم په ریکارډ کچه کمه شوی او بیا په پاکستان کې هم مخالفه سیاسی ګوندونو د فروری نه د ګرانۍ په ضد احتجاجونه اعلان کړي او پوهان وایي دا به هم حکومت ته مشکلات پیدا کړي.
