د پاکستان د مواصلاتو ادارې، پاکستان ټېلي کميونيکېشن اتارټي، د ټولنيز رسينو اپليکېشن ټک ټاک د غېرقانوني او غېر اخلاقي موادو خپرولو په تور بند کړی.
چينايي کمپنۍ ټک ټاک د پاکستان لخوا پر دې اپلیکېشن د بنديز لګولو په هکله لا کوم غبرګون نه دې ښودلې.
د پاکستان ټېلى کميونيکېشن اتارټي په جاري کړي اعلامیه کې لیکلي: په ټک ټاک خپریدونکي مواد او د دې په اړه د ترلاسه شوو شکایتونو د نوعيت په ترڅ کې یې دغه اېپليکېشن ته له وړاندې څخه خبردارۍ او د ټک ټاک څخه یې د ځواب ورکولو او غېرقانوني ان لاېن موادو ودرولو لپاره پوره وخت ورکړې وو. خو نوموړې کمپنۍ د دې ادارې په هداېاتو عمل ونکړای شو نو ځکه یې پدغه اپليکېشن پاکستان کې بندېز ولګوو.
د پاکستان ټېلي کميونيکېشن اتارټې په ټک ټاک دا بندېز پداسې وخت لګولی چې د جمعې په ورځ د پاکستان وزيراعظم عمران خان د فېسبوک چيف اپرېټنګ افسر سره ان لاېن لېده کاته کړي او د فېسبوک کمپنۍ لخوا یې په هېواد کې د پانګې اچونې هرکلی کړی او د کمپنۍ مشران یې په پاکستان کې نورېسرمایه کارۍ ته هڅولي دي.
د شميرو ترمخه پاکستان کې دا مهال شاوخوا پنځه (۵) کروړه خلک فېسبوک کاروي.
پاکستان د ټولنيز رسينو د څار فعال او د (بايټس فار ال پروګرام) مشر هارون بلوڅ وايي چې د سوشل مېډيا په اړه د حکومت پاليسي د تضاداتو ښکار ده. که یو لور ته وزیراعظم عمران خان د فېسبوک چارواکي په پاکستان کې پانګونو ته هڅوي نو بلخوا د ټک ټاک په څېر ګټه ور اپليکېشن تړي.
د پاکستان تحریک انصاف د حکومت د شمېرو ترمخه دا وخت په پاکستان کې نيزدې دوه (۲) کروړه خلک ټک ټاک کاروي. د ټولنيزو رسينو فعالين وايي ټک ټاک نه يوازې د هېواد ځوان کول ته د خپل قابليېتونو ښوودلو موقعې ورکوي بلکې د هېواد په زرګونو خلک د دې له لارې پېسې هم ګټي.
بل لور ته هارون بلوچ وايي، فېسبوک د نړۍ په کچه یوه لويه کمپني ده او مالک یې د دنیا په شتمنو شخصيتونو کې شمارل کېږي. دا کمپني پاکستان کې د پانګې اچولو سره د ټولنيز مسلو په اړه ولس کېبېداري هم خپرولی شي.
د ټک ټاک د ټرانسپېرنسي وروستي راپور له مخه، ټک ټاک د تیر کال ۲۰۱۹ د جولای او ډسمبر میاشتو ترمنځ د ۴۹ میلیون څخه هم زیات شمېر ویډیوګانې لري کړي کوم چې د دې اپلیکشن د قواعدو پرضد وې.
ټک ټاک وايي د دغو لرې کړای شوو ویډیوګانو شاوخوا درییمه برخه د هندوستان څخه وې چیرې چې دغه چینايي اېپ اوس بند شوی دی.
همداراز په امریکا او پاکستان کې ۳ میلیونه ویډیوګانې له ټک ټاکه لرې کړای شوي.
