شاهين شاه افریدی نن د دسمبر په دریمه نیټه د پاکستان ټیسټ کرکټر ټوپۍ (کیپ) په سر کړله. هغه خپله وړومبۍ لوبه د نیوزي لینډ په ضد په شارجه کې وکړه او لومړی لوبغاړی یې ټوم ليتهم ایل بي ډبلیو وسوزلو.
شاهين شاه افريدي د ټیسټ کرکټ جوړیدلو څخه د مخه په یوه ورځنۍ او شل اوريزو کې هم لوبه کړېده.
افريدي ټول ١٧ اوورونه وکړل چې ۴ پکې میډن وو هغه د ٢.٥٢ په اوسط ټول ۴٣ رنزونه ورکړل.
افريدي د لوبې ورستو په مرکه کې وویل چې نن یې د ټیسټ لوبغاړي جوړیدلو خوب پوره شو.
هغه وویل "زما د ورور خوب وو چې زه ټیسټ کرکټر جوړ شم" ا فريدي وویل چې نن ورباندې په لوبه کې هيڅ قسمه ویره نه وو.
د هغه سره مرکه د پاکستان پخواني لوبغاړي رميز راجه او وقار یونس کوله. وقار یونس وویل چې د افريدي قد د هغه په یو ښه بالر جوړیدلو کې مدد کوي.
دافريدي قد ٦.۴ اینچې دی، د ١١ نمبر بوټان په پښو کوي او عمر یې څه د پاسه ١٨ کاله دی.
د افريدي نن زیاتره بالونه ان سوینگ کیدل خو د هغه په خیال داسې یې په خپله خوښه کول.
د کرِک بِز ليکونکی گورو جوشي وايي شاهين د پاکستان ميچل سټارک دی
شاهين په ٩٠ ميل د یوې گینټې په رفتار سره بال کوونکی او په کيڼ لاس بیټ وهونکې نوې ځلمی ال راونډر دی
د پاکستان د کرکټ د پوهانو خیال دی د شاهين قد، رفتار او انداز د سپر سټار لوبغاړي دي
