د افغانستان د واکمنو طالبانو یو چارواکي ویلي خبریالان چې تصویران جوړوي "لویه ګناه" کوي. افغان مطبوعاتو دا خبر د شورو، چهارشنبې، په ورځ خپور کړی دی.
د کال ۱۹۹۶ نه تر د ۲۰۰۱ پورې طالبانو په خپله تېره واکمنۍ کې د ژوندي مخلوقانو وډیوز او تصویرونو په جوړولو پابندي لګولې وه خو په موجوده واکمنۍ کې يې داسې څه امر نه دی جاري کړی.
د افغان مطبوعاتو ترمخه د طالبانو د انصاف وزارت چارواکي محمد هاشم شهید ورور د نهې، سه شنبې، په ورځ په کابل کې د وزارت د کارکوونکو یوې غونډې ته وویل تصویران اخیستل "لویه ګناه" ده.
ورور وویل "زمونږ د مطبوعاتو ملګري، افغانان، همیشه په دې ګناه کې مصروف وي او همیشه د بد اخلاقۍ په لوري راښکل کېږي."
تېره هفته په کندهار کې طالب چارواکو ته وویل شوو چې د ژوندي شیان تصویران دې نه جوړوي خو د کندهار د والي ترجمان محمود اعظم ای اېف پي خبري ادارې ته وویل چې دغه پابندي په مطبوعاتو نه ده لګول شوې.
طالبانو د بیا واکمنېدو راهسې ګڼ شمېر افغان مطبوعات کوښښ کوي چې د انسانانو او د نورو ژونديو شیانو تصویران شایع نه کړي.
طالبان وخت په وخت د خپل حکومت د لوړ پوړو چارواکو د غېر ملکي مامورینو سره د ملاقاتونو تصویران خپروي.
Forum