د امریکې صدر ډونلډ ټرمپ د پوځ مشر د ګډو ځواکونو د کمیټې چیرمین جنرال سي کیو براؤن جونیر له خپلې څوکۍ لرې کړی دی.
جنرال سي کیو براؤن په امریکایي پوځ کې د چیرمین تر عهدې رسیدلی دویم تور پوستی جنرال ؤ، تر هغه وړاندې جنرال کولن پاول له 1989 څخه نیولی تر کال 1993م پورې په دې څوکۍ خدمات ترسره کوونکی وړومبی تور پوستی امریکایي جنرال ؤ.
صدر ټرمپ د جمعې په ورځ جنرال براؤن د هغه له عهدې لرې کړی اؤ ویلي یې دي چې د هوایي ځواک لیفټننټ جنرل دین رازن کین نوی چیرمین یا مشر ټاکلي.
جنرال کین تر دې وړاندې عراق کې خدمات ترسره کړي اؤ ددې تر څنګ د امریکې ددفاع په محکمه پینټاګان کې هم په ګڼ شمیر مهمو عهدو د کار کولو تجربه لري.
صدر ټرمپ په سوشل میډیا یو پوسټ کې ویلي دي چې هغه تر څلوېښتو کلونو له زیاتې مودې ملک لپاره په خدماتو اؤ په ځانګړي ول د ګډو ځواکونو د کمیټې د مشر په توګه په خدماتو ترسره کولو د جنرال براؤن منندویه دی.
د هغه په وینا، جنرال براؤن یو ښه انسان اؤ زبردست لیډر دی اؤ هغه د دده اؤ دده د کورنۍ د مستقبل لپاره نیکې هیلې څرګندوي.
له خپلې عهدې لرې شوي جنرال براؤن څلور اونۍ وړاندې د دفاع د وزیر په توګه ټاکل شوي پيټ هیګسیت سره هره ورځ لېدنې کولې.
د ګډو ځواکونو د کمیټې د مشر په توګه جنرال براون د 16ؤ میاشتو په ماموریت کې د اوکراین په جګړه اؤ د منځني ختیځ په شخړه کې فعاله رول لوبولی ؤ.
( ددې رپورټ مواد د ایسوسي ایټډ پریس څخه اخستل شوي
Forum