لاس رسیدونکی لینک

تازه خبر

صدر ټرمپ په وایټ هاوس کې د صدر زېلېنسکي سره ملاقات کوي


د تېر کال د سېپټمبر په ۲۴ نېټه ټرمپ په نیویارک کې د زېلېنسکي سره ملاقات کړی و
د تېر کال د سېپټمبر په ۲۴ نېټه ټرمپ په نیویارک کې د زېلېنسکي سره ملاقات کړی و

د امریکې صدر ډانلډ ټرمپ د جمعې په ورځ په وایټ هاوس کې د یوکرېن صدر ولادومېر زېلېنسکي سره ملاقات کوي او توقعو ده چې دواړه مشران به یوه معاهده لاس لیک کړي چې ترمخه به يې امریکا په یوکرېن کې انتهايي اهمو معدنیاتو ته لاس رسی ولري. دا په داسې حال کې چې یوکرېن کوښښ کوي چې د روس خلاف جنګ کې کیف سره د امریکې امداد برقرار وساتي.

امریکې او یوکرېن په وروستیو ورځو کې د معدنیاتو په معاهده خبرې اترې کړي دي. د معاهدې ترمخه به امریکا په یوکرېن کې په پراځه کچه نایابو معدنیاتو ته لاس رسی ولري. یوکرېن د معدنیاتو په بدل کې د امریکې نه د امنیت یا د سېکیورټي ضمانتونه غوښتل چې مګر نه ورکول کېږي.

د معاهدې دلاندې به امریکا یوکرېن ته ورکړی شوي د بېلینونو ډالرو عسکري امداد پېسې بېرته ترلاسه کړی شي.

د سېنټر فار سټرېټيجېک اېنډ انټرنېشنل سډیز تېر کال په خپل رپورټ کې وموندل چې یوکرېن ته د امریکې د کانګرس منظور کړي پېسو په دریو کې دویمه برخه په امریکا کې خرچ شوي دي.

د معدنیاتو د معاهدې دلاندې یوکرېن امید کوي چې ټرمپ د یوکرېن مرسته جاري وساتي او یوکرېن به د روس نه خپلې قبضه شوې علاقې بېرته واخیستل شي. د لوظنامې په نتیجه کې په کانګرس کې د ټرمپ د واکمن رپبلېکن پارټۍ غړي یوکرېن سره د نور امداد منظوري هم ورکولی شي.

په تېرو څو هفتو کې ټرمپ او زېلېنسکي په یو بل تنقید هم کړی دی. په یوکرېن کې د جنګ په اړه د زېلېنسکي د تګلارې مخالفت کړی او هغه يې یو امر بللی دی. د زیارت، پنجشنبې، په ورځ د برطانوي وزیراعظم کېیر سټارمر سره د مشترکه خبري کانفرنس په موقع ټرمپ وپوښتل چې ایا د یوکرېن د صدر په اړه يې دغه خبره کړې ده؟ هغه زیاته کړه چې یقین نه کوي چې داسې خبره به يې کړي وي.

ټرمپ وویل زېلېنسکي سره ملاقات ته سترګې په لاره دی. هغه د یوکرېن د پوځ د مېړانې ستاینه وکړه. ټرمپ زیاته کړه چې د یوکرېن جنګ د ختمولو دپاره سځت کوښښونه کوي، په دې پرمختګ شوی دی او ښه روان دی. هغه امید کړو چې جنګ په زر او یا به ختم نه کړی شي.

Forum

هېلو وي او اې په ټي وي

هېلو وي او اې په ټي وي
please wait
  • Auto
  • 240p
  • 360p
  • 480p
  • 720p
  • 1080p

No media source currently available

0:00 59:57 0:00
  • Auto
  • 240p
  • 360p
  • 480p
  • 720p
  • 1080p

بي بي شیرینه

بي بي شیرینه – په ټیلې ویژن
please wait
  • Auto
  • 240p
  • 360p
  • 480p
  • 720p
  • 1080p

No media source currently available

0:00 1:59:58 0:00
  • Auto
  • 240p
  • 360p
  • 480p
  • 720p
  • 1080p

Recommended

XS
SM
MD
LG