د پاکستان ایټمي وسله خوندي ده؟

د امریکی د خارجه وزارت ددی وضاحت پرته چې واېي د پاکستان امنیتي ځواکونه تکړه دي او د خپلو جوهري وسلو د خوندي ساتلو په کار ښه پوهه دي، نن د پاکستان په انګریزۍ ورځپانړه ایکسپرس ټریبیون کې راغلي اسلام آباد په هغه خبرونو خوشحاله نه دی چې په واشنګټن پوسټ کې چاپ شوي. واشنګټن پوسټ د امریکی د استخباراتي اداری نه دتختیدلي غړي ایډورډ سنوډن غلا کړي خصوصي معلوماتو په حواله لیکلي وو د اوباما حکومت د پاکستان د ایټمی وسلی په خطره کې کیدو باندی فکر منده دی. د پاکستان وزیراعظم نواز شریف په مشرۍ کې د دغه هیواد د قامي اداری نیشنل کمانډ اتهارټۍ په مهمه غونډه کې پدغه خبرونو خفګان خودل شوی دی.
د پاکستان د دفاعي چارو څیړونکې عایشه صدیقه واېي څه د ویری خبره ضرور شته دی او د وسلی غلطو لاسونو ته د رسیدو ټول خبرونه بی بنیاده نه دي: هغه واېي په ظاهره دغه ایټمی وسلی محفوظه لیدل کیږي خو په پاکستان کې د پوځونو په مرکزي دفتر جي ـ ایچ کیو او د نیوي په مهران بیس د وسله والو کامیابه حملی یری پیدا کوي چې دغه وسله وال تنظیمونه کومی نوری هم حملی کولی شي.
پاکستان د زهر ژنو او باېولوجیکل وسلو د ملکونو او د جوهري وسلو د حفاظت په نړي واله ډله کې شامل دی خو د پاکستان په ایټمي وسلو غلطو لاسونو ته د رسیدو دا لومړی ځل نه دی ولی د پاکستان د دفاعی چارو یو بل څیړونکی پروفیسر حسن عسکري ډیوه ریډیو ته واېي د پاکستان په ایټمي پروګرام غربي نړۍ له قصده شکونه پیدا کوي. نور تفصیل په دی رپورټ کې واورۍ.

Pakistan’s nuclear arms/Bunairee