د پاکستان قبایلي سیمې مومند ایجنسۍ ځايي انتظامې د کلونو راهسې دغه قبایلي سیمې ته وړونکو خوارکي څیزونو باندې لګول شوی ټیکس یا محصول ختم کړی.
د ایجنسې ناېب پولټیکل ایجنټ نوید اکبر د دغه فیصلې په اړه وي او ای ډیوه ته ویلي د کوردننه کاریدونکي او د وړو وړوکاروبارونو لپاره د بهر نه وړونکي خوارکي موادو باندې لږیدلی ټیکس پورته کړی شوی.
د نوید اکبر په وینا د دغې ګام سره به عام اولس ته ډیره ګټه ورسیږي، او د تنور او نغري د استعمال په ټولو څیزونو ټیکس یا محصول په سمدستي توګه ختم کړی شوی.
د پاکستان دغه قبایلي سیمې ته به د خواو شاه سیمو نه تلونکي سامانونو باندې د ګاډي په سر د ۵۰۰ نه تر ۱۰۰۰ روپو پورې ټیکس اخستل کیدو. مومند ایجنسۍ ته به زیات تره خوراکي څیزونه د چارسدې او پېښور نه وړل کیدل.
د ډغه ټیکسونو او د ګاډو د لوړو کرایانو له امله به د دغه خوارکي څیزونو بیعې په ایجنسۍ کې ډیرې لوړې وې.
د مومندو ایجنسۍ یو شمیر ځايي اوسیدونکو د پولټیکل انتظامیې د دغه ګام هرکلی کړی او یو شمیر غړو بیا غوښتنه کړې چې په نورو څیزونو لږلیدلی ټیکس دې هم زر تر زره ختم کړی شي.