د پاکستان د قومي اسمبلۍ اسپيکر په مالي درغليو تورن د پاکستان پيپلز ګوند مشر اصف علي زرداري او د مسلم ليګ ن غړو ته د اسمبلۍ په غونډه کې د ګډون اجازه (پروډکشن ارډر) ورکړی خو د وزيرستان نه د قامي اسمبلۍ منتخب غړي علي وزير او محسن داوړ يې بيا د دغه حق نه محرومه ساتلي دي.
د قومي اسمبلۍ د اسپيکر اسد قېصر په دغه چلند د پښتون ژغورنې غورځنګ مشرانو په هغه سختې نيوکې کړي دي.
د پښتون ژغورنې غورځنګ يو مشر سېد عالم محسود د اسپيکر دغې پرېکړې ته توپېرې ويلې ده او زياته کړې يې ده چې محسن داوړ او علي وزير هم هغه حق لري کوم حق چې د نورو ګوندونو ګرفتاره غړو ته ورکړی شوی دی.
امتیازی سلوک کی انتہا زرداری،سعاد,شاہد خاقان کے پروڈکشن آرڈر جاری.راناثنا اللہ کے بارے میں سوچ رہےہیں @mjdawar@Aliwazirna50کا ذکر نہیںNA speaker issues productionorders for Zardari, Saad and Khaqan | The Express Tribune https://t.co/QiE3Q5Cxjc
— Said Alam (@saidalammahsud) August 5, 2019
سياستمدار افراسياب خټک په ټويټر ويلي چې محسن داوړ او علي وزير يو ځلې بيا د اسبملۍ په غونډه کې د ګډون په اړوند د توپيري چلند ښکار شوي دي.
Mohsin Dawar & Ali Wazir to face discrimination yet again in getting production order in NA session being held. Even parliament members after taking oath under the constitution aren’t equal citizens. Do Pashtuns need any further proof of their status? https://t.co/SA4EkDTAmt
— Afrasiab Khattak (@a_siab) August 5, 2019
وتلې خبريالې ماريانه بابر په ټويټر ویلي چې ګنې د سېنېټ د مشر په ضد د بې باورۍ د تحريک د ناکامولو په بدل کې د مخالفه پيپلز ګوند او مسلم نواز ګوندونو ته ګټه ورکړی شوې د پښتنو د سيمې دوه منتخب غړي يو ببيا د خپلو خلکو د حقونو د استازيتوب څخه محرومه ساتل شوي دي.
@AAliZardari being paid for good work during Senate vote while the two Pukhtuns lose once again.
— Mariana Baabar Pashteen (@MarianaBaabar) August 5, 2019
دغه بيان ته په غبرګون کې د پيپلز ګوند سره تړاو لرونکي د قامي اسمبلۍ غړي ساجد توري وي او ای ډیوه سره په خبرو کې ویلي چې پيپلز ګوند او مسلم ليګ ن د هېواد په سياست کې مهم کردار لري.
خو د دې ترڅنګ ساجد توري د محسن داوړ او علې وزير د اسمبلۍ په غونډه کې ګډون د دوي حق ګرځولی او په حکومت او د قامي اسمبلۍپه اسپيکر يې د حق په لاره کې د خنډانو اچولو تورونه لګولي دي.
محسن داوړ او علي وزیر په ۲۶مې د شمالي وزیرستان په خړ کمر سيمه کې په پوځي چيک پوسته د بريد او بيا د جون په اوومه نېټه د پوځ په ګاډي د چاؤدنې په تورنو مقدمو کې بندیوان دي او د پاکستان حکومت په دوي باندې د رياست مخالفه کارروايانو کې د ککړتيا او ترهګرۍ مقدمې درج کړي دي.
د حکومتي واکمنه ګوند پاکستان تحریک انصاف سره تړاؤ لرونکي د قامي اسمبلۍ غړي جواد حسېن داوړ د اسپيکر د پرېکړې دفاع کړې او په علي وزير او محسن داوړ يې د حکومت مخالفه عملياتو کې د ککړتيا تورونه لګولي دي.
خو قانون پوهان او د پارلیماني چارو څيړونکي د حکومت د دغه دريځ سره اتفاق نه کوي او وايي چې په علي وزیر او محسن داوړ تر څو پورې جرم نه وي ثابت شوی او څو پورې دوي د اسمبلۍ غړي دي نو دوي په اسمبلۍ کې د خپلو خلکو د استازيتوب حق لري او د دوي په غونډه کې د برخې اخیستو نه منع کول غېر قانوني دي.