واشنګټن ــــ د امریکې ولسمشر ډونالډ ټرمپ او لومړۍ مېرمن میلانیا ټرمپ ته د کورونا وایرس د ور پورې کېدو د خبر له راتلو وروسته یو شمېر نړیوالو مشرانو غبرګون څرګند کړی او هغوی ته یې د روغتیا غوښتنه کړې ده.
د امریکا مرستیال ولسمشر مایک پینس او مېرمن یې کېرن، په یوه ټویټر پیغام کې د ولسمشر ټرمپ او مېرمنې لپاره یې د ښې روغتیا هیله ښودلې ده.
Karen and I send our love and prayers to our dear friends President @realDonaldTrump and @FLOTUS Melania Trump. We join millions across America praying for their full and swift recovery. God bless you President Trump & our wonderful First Lady Melania.
— Mike Pence (@Mike_Pence) October 2, 2020
د امریکې د ولسمشرۍ ټاکنو په ځغل کې د ولسمشر ټرمپ سیال ډیموکرېت جوبایډن چې تل یې د انتخاباتي سیالیو په لړ کې پر ښاغلي ټرمپ د کورونا واېرس د مخنیوي اړوند نیوکې کړې دي، پر خپل ټویټر ولسمشر ټرمپ او د هغه مېرمنې ته یې د ښه صحت او رغېدو هیلې څرګندې کړي.
Jill and I send our thoughts to President Trump and First Lady Melania Trump for a swift recovery. We will continue to pray for the health and safety of the president and his family.
— Joe Biden (@JoeBiden) October 2, 2020
ښاغلی جوبایډن په تېرو ورځو کې د امریکې د ولسمشرۍ ټاکنو لپاره له صدر ټرمپ سره په لومړۍ مناظره کې یو ځای برخه اخیستې وه او صدر ټرمپ ته تر کرونا وایرس ور پورې کېدو وروسته یې طبي معاینه کړې وه چې وایي نتیجه یې منفي راغلې او دا وایرس ده او د ده مېرمنې جیل بایډن ته نه دی ور پورې شوی.
د پاکستان وزیراعظم عمران خان هم پر خپل ټویټر لیکلي، دعا کوي چې ډونلډ ټرمپ او مېرمن یې ژر له کوویډ - 19 ناروغۍ ورغېږي.
صدر ٹرمپ اور خاتونِ اول میلانیا ٹرمپ کی کوروناء (COVID-19) سے جلد شفایابی کیلئے دعاگو ہوں۔
— Imran Khan (@ImranKhanPTI) October 2, 2020
د افغانستان ولسمشر محمد اشرف غني هم د ولسمشر ټرمپ او لومړۍ مېرمنې د کوویډ- 19 د مثبتو نتیجو په خبر باندې غمرازي او اندېښنه څرګنده کړې ده. ښاغلي غني د دواړو لپاره د ښه صحت دعاګانې او هیلې وړاندې کړې.
The President of The Islamic Republic of Afghanistan is saddened and expressed concern over the news of Covid-19 positive tests for the U.S. President Donald Trump and the U.S. First Lady. He conveys his best wishes and prayers for the well-being of them both.
— ارگ (@ARG_AFG) October 2, 2020
بل لور ته د هند وزیراعظم نرېندرا مودي هم د خپل ټویټر له لارې د ښاغلي ټرمپ او میلانیا ټرمپ د ژر رغېدو او ښه صحت لپاره هیله څرګنده کړې ده.
Wishing my friend @POTUS @realDonaldTrump and @FLOTUS a quick recovery and good health. https://t.co/f3AOOHLpaQ
— Narendra Modi (@narendramodi) October 2, 2020
د برتانیا وزیراعظم بورېس جانسن پر ټویټر لیکلي:
"د ولسمشر ټرمپ او لومړۍ مېرمنې لپاره نیکې هیلې. هیله من یم چې دوی دواړه به ژر له کورونا وایرسه روغ شي".
My best wishes to President Trump and the First Lady. Hope they both have a speedy recovery from coronavirus.
— Boris Johnson (@BorisJohnson) October 2, 2020
د اسرایل د وزیراعظم بنیامن نتنیاهو په ګډون یو شمېر نورو نړیوالو مشرانو هم د ولسمشر ټرمپ او د هغه د مېرمنې لپاره د ښې روغتیا هیله څرګنده کړې.
د 74 کلن ولسمشر ټرمپ او د هغه د مېرمنې روغتیايي حالت دا وخت ښه ګڼل کېږي او ځانونه یې کورنټین کړي دي خو د هغه د عمر د زیاتوالي له کبله دا ناروغي ورته زیانمنه بلل کېږي.