د خېبرپښتونخوا د صحت وزیر تيمور سليم جګړا او دوه نورو کسانو باندې مقدمه درج شوې چې دوی د کرونا وبا د احتياطي تدابيرو سرغړونه کړې ده.
د دوی پرضد مقدمه د پېښور په سربند تاڼه کې درج شوې ده.
د سربند تاڼې محرر واسع الله وی او اې ډيوه ته وويل، د کمشنر د احتياراتو لاندې مقدمه درج شوې، د حجره هوټل منېجر او مالک نيول شوي او تيمور سليم نه دی نيول شوی.
هغه وويل هوټل سيل کړی شوی او نيول شوي کسان چالان کړی شوي دي.
په مقدمه کې ويل شوي چې د پېښور د متنۍ مرستيال کمشنر عادل ايوب د خوراکي توکیو د نرخونو مالومولو دپاره په بازار کې ګرځېدو، په رېنګ روډ جوړ حجره هوټل باندې د کرونا د احتياطي تدابيرو (اېس او پي) د سرغړونې په سر يې د حجره هوټل د منېجر، مالک او تيمور سليم پرضد د مقدمې درج کولوویلي دي.
په ټولنيزو رسنيو داسې عکسونه خپاره شوي چې تيمور جګړا سره د ګڼو کسانو ناست دی روژه ماتی کوي.
Peshawar district administration has asked city police to register FIR against KP health minister Taimur Jhagra for attending an Iftar party in violation of Covid19 SOPs. Hujra restaurant where the minister attended the iftar party has been sealed. pic.twitter.com/PmEbPh64be
— Nizamuddin Khan (@salarzai_) April 26, 2021
د پېښور انتظامیې ویلي، د قانون نه بر هیڅوک نه دی چې څوک هم د حکومتي احکاماتو سرغړونه کوي د هغه پرضد کارروايي کيږي.
ضلعې انتظاميې ویلي، د رېسټورانټ د منېجر په وېنا، هغه د صحت وزیر منع کړی چې په رېسټورانټ کې دننه په خوراک څښاک بندېز دی.
خو هغه ويلي د روژه ماتي دپاره دوی د بهر نه د ځان سره خوراک راوړلی وو.
وي او اې ډیوه د تيمور جګړا سره د رابطې هڅه کړې خو د هغه نمبر بند راتلو.
د خېبرپښتونخوا د صحت د وزير پرضد دغه مقدمه په داسې حال کې درج شوې چې د صحت نړیوالې ادارې ويلي، د خېبرپښتونخوا څلور ضلعې د پاکستان هغه د سر ضلعې دي چرته چې د کرونا وبا تر ټولو زياته ده.
په دغو ضلعو کې مردان، پېښور، سوات او نوښار شاملې دي.
د ډان د رپورټ ترمخه په دغو ضلعو کې په مردان کې د کرونا مثبت شرح 30.6، پېښور کې 23.9، سوات کې 19.4 او نوښار کې 18.8 فيصده ده.
تيمور جګړا د دې خبر خپرېدو نه 15 ساعته وړاندې په خپله په ټويټر په صوبه کې د کرونا د پېښو، مثبت شرحې او مړينو شمېرې خپرې کړې وې.
584 covid cases in KP confirmed today; 8.4% positivity, lower than trend, but consistent with a weekly trend that shows lower positivity for tests at the end of the week. 13460 active cases and sadly, 22 deaths reported also.2003 patients in hospital. A long way still to go. pic.twitter.com/sNqZr7IvP1
— Taimur Khan Jhagra (@Jhagra) April 26, 2021