د تورخم لار په څلورمه ورځ هم بنده پاتې وه چې له کبله يې خلکو ته لويه ستونزه جوړه ده او تاجرانو ته لوی زيان اوړي
د افغانستان او پاکستان ترمنځ د ډيورنډ په لانجمنه کرښه د تګ راتګ د پاره جوړه د تورخم دروازه په څلورمه ورځ هم تړلې پرته وه.
په اسلام اباد کې د طالبانو سفارتخانې ویلي د افغانستان د پاره د پاکستان ځانګړي استازي سره يې په دې موضوع خبرې شوي دي.
د پولي د بنديز له کبله د بار ډک په سلګونو ګاډي، مريضان، ماشومان او زنانه د تورخم دروازې د بيرته پرانستلو په تمه ايسار دي.
د خیبر ضلعې چارواکي وايي د پولې بيرته پرانستو پرېکړه به مرکزي حکومت کوي.
تازه حال يې عثمان خان په خپل رپوټ کې راکوي