د انګلېنډ کرکټ لوبډلې په څلورمه شل اووريزه (ټي ټوينټي) سیالۍ کې پاکستان ته په اووه وکټو ماتې ورکړې او د څلورو لوبو لړۍ یې په دوه صفر سره ګټلې ده.
پاکستان دا ماتې په داسې وخت کې خوړلې چې دوه ورځې وروسته په دويم جون د ټي ټوينټي نړيوال کپ سيالۍ پيليږي.
تېره شپه د انګلېنډ په اوول مېدان کې ترسره شوې سيالۍ ټاس/ پچه کوربه لوبډلې ګټلی او لومړی یې بېټنګ اخستی وو.
پاکستانۍ ټوله لوبډله په ټاکلو 20 اوورونو کې په اخري اوور کې په 157 رنزونو اوټ شوې وه.
پاکستانۍ لوبډله کې زيات 38 رنزونه عثمان خان او بيا 36 رنزونه کپتان بابر اعظم جوړ کړي، او څلور لوبغاړي شاداب خان، اعظم خان، شاهين شاه اپريدي او محمد عامر په صفر، صفر يا بې د کوم رنز جوړولو اوټ شوي دي.
د انګلېنډ درېو بالرانو دوه دوه، او درېو يو يو وکټ اخستی دی.
د پاکستان د رنزونو په ځواب کې د انګلېنډ لوبډلې ټاکلی هدف په 16م اوور کې په درېو لوبغاړو پوره کړی او لوبه یې ګټلې ده. انګلېنډ په يادې لوبې ګټلو سره د څلورو لوبو لړۍ هم په خپل نوم کړې ده.
د انګلېنډ او پاکستان ترمنځ ترمنځ د څلورو لوبو لړۍ کې لومړۍ او درېمه لوبه د باران له امله نه وه شوې او په دويمه سيالۍ کې کوربه لوبډلې پاکستان ته ماتې ورکړې وه.