د خېبرپښتونخوا حکومت سرکاري ملازمين د پښتون ژغورنې غورځنګ، پي ټي اېم جرګې ته د ورتګ څخه منع کړي او ويلي یې دي، "ټولو سرکاري محکمو او ملازمينو ته خبر ورکړل کيږي چې د کوم لاقانونه ګرځول شوي تنظيم په پروګرام يا هلو ځلو کې ګډون ونه کړي". د پاکستان حکومت پي ټي اېم لاقانونه تنظيم ګرځولی دی.
خیبر پختونخوا حکومت نے سرکاری ملازمین کے کالعدم پی ٹی ایم کے جلسے میں جانے پہ پابندی لگا دی نوٹیفکیشن جاری..تمام سرکاری محکموں اور ملازمین کو مطلع کیا جاتا ہے کہ کسی کالعدم تنظیم کے کسی پروگرام یا سرگرمی میں جسمانی، مالی یا دوسری صورت میں شرکت، ظاہر یا خفیہ، غیر قانونی ہے اور اس… pic.twitter.com/eYlCmZkO5b
— PTV News (@PTVNewsOfficial) October 8, 2024
بل لور ته د پي ټي اېم مشر منظور پښتين ويلي، "د پښتنو د ملي جرګې په خېبر ګراونډ باندې د پاکستاني زورواک چارواکو قبضه ده، د غټې میشنرۍ په وسیله د پښتنو د ملي جرګې ګراونډ کې خندقونه کیندي".
د پښتون قامي جرګې د اېکس اکاونټ په پوسټ کې ويل شوي، "پوځ نن زمونږ د جرګې په ميدان قبضه کړې، خو سبا به مونږ خپله خاوره د ازادۍ په ميدان بدله کړو، زمونږ مزاحمت نه يواځې روان دی بلکې هر ورځ نور سېوا کيږي".
آج فوج نے ہماری جرگہ گراؤنڈ پر قبضہ کیا ہے، لیکن کل ہم اپنی پوری سرزمین کو آزادی کے میدان میں بدل دیں گے۔ہماری مزاحمت نہ صرف جاری رہے گی بلکہ ہر دن کے ساتھ مزید مضبوط ہوگی۔پختونوں تیار رہو، کیونکہ یہ ہمارا وقت ہے کہ ہم تاریخ کے صفحات کو اپنے خون اور قربانیوں سے روشن کریں۔… pic.twitter.com/QSg1tHuFn2
— Pashtun National Jirga (پښتون قامي جرګه/عدالت) (@PashtunNJirga) October 9, 2024
د خېبرپښتونخوا حکومت، پوليسو او پوځ د پي ټي اېم د جرګې د ځای د نیولو په اړه په رسمي توګه تراوسه پورې څه نه دي ويلي.
د پاکستان حکومت په شپږم اکتوبر پي ټي اېم لاقانونه ډله ګرځولې او دعوه یې کړې پي ټي اېم د ملکي امنيت دپاره خطره ده.
پرون په اتم اکتوبر د اطلاعاتو مرکزي وزير عطاالله تارړ په يو خبري کانفرنس کې په پي ټي اېم د رياست مخالفت هلو ځلو او بهرنيو هيوادونو څخه فنډونو اخستو تورونه لګولي او ويلي یې دي، "پي ټي اېم نه يواځې د تحریک طالبان افغانستان بلکې د تحریک طالبان پاکستان سره یې هم مکملې رابطې دي".
هغه دعوه کړې، د پي ټي اېم په اړه پلټنې کولی شي. د پي ټي اېم ضد له دې وړاندې د پاکستان حکومت او پوځ هم دغه ډول تورونه لګولي او پي ټي اېم رد کړي دي.
خو د پي ټي اېم مشر منظور پښتين دغه ټول تورونه رد کړي دي.
وي او اې ډيوه سره ځانګړې مرکه کې نوموړي وويل، چې پي ټي اېم د افغان طالبانو او د لاقانونه ګرځول شوې ډلې تحریک طالبان پاکستان، ټي ټي پي سره اړیکې نه لري، او د بهر نه د فنډونو ترلاسه کولو تورونه هم ردوي. نوموړی وايي که پرضد یې کوم ثبوتونه وي، وړاندې دې کړل شي.
هغه وويل، "پي ټي اېم په دې سيمه کې د امن دپاره تر ټولو زيات کار کړی باوجود د دې چې د پي ټي اېم پرضد ظلم شوی دی، پي ټي اېم تل په پرامنه توګه احتجاج کړی دی د رياست دغه تور انتهايي ناروا دی چې پي ټي اېم امن ته خطره دی، پي ټي اېم خو امن غواړي".
نوموړي د خېبر ضلعې د مرستيال کمشنر لخوا د 144 مادې لګولو په غبرګون کې وويل، "پښتانه د جنګونو نه تنګ دي د امن دپاره راټوليږي دوی هغه هم نه پرېږدي دا 144 دفعه لګول انتهايي ناجايزه عمل دی، دا د پښتون وطن په امن حمله ده".
د پښتين په خبره، "په دوی د 2018م کاله راهسې تورونه لګي خو تراوسه یې پرضد کوم ثبوت وړاندې نه کړل شو، که ثبوت یې وی دوی [رياست] به مخکې وړاندې کړی وو، دوی او هم وايي که پرضد یې ثبوت وي، وړاندې دې کړل شي".
د پاکستان حکومت په داسې وخت کې پي ټي اېم لاقانونه ګرځولی، د ټي ټي پي او افغان طالبانو سره د رابطو تورونه یې پرې لګولي چې پي ټي اېم په 11م اکتوبر خېبر ضلعه کې د پښتنو د قامي جرګې عدالت اعلان کړی، وايي تياريانې یې روانې کړي دي.
د انساني حقونو نړیوال تنظیم اېمنېسټي انټرنېشنل د پاکستان په حکومت غږ کړی په پي ټي اېم بندیز او د غورځنګ د فعالانو په ضد د ترهګرۍ د قوانینو استعمال دې په سمدستي ډول ختم کړي.
پاکستان کې د بشري حقونو تنظيم او پښتنو ملت پالو هم په پي ټي اېم د بنديز فيصله غندلې او د حکومت نه یې د دغه فيصلې بيرته اخستو غوښتنه کړې ده.