د بلوچستان د بارکان ضلعې د لیویز چارواکو په وینا، ”نامعلومو وسلوالو له پنجاب صوبې سرہ تعلق لرونکي اووه مسافر له بس څخه کښته کړي، او له شناخت ورسته یې په ډزو وژلي دي“.
د چارواکو په وینا، په رکڼۍ روغتون کې بېړنی حالت اعلان شوی دی، او عمله حاضرہ دہ.
د چارواکي وایي، وسلوالو دغه مسافر بس له رکڼۍ مرکز څخه شاوخوا 46 کیلومیټره لیرې، د چودري پټرول پمپ په نامه سیمه کې درولی دی.
د چارواکو په خبرہ، ”له دې وسلوال برید ورستو په ضلع لورالایي، کنگرۍ او شاوخوا سیمو کې مسافرو بسونه او ځایي موټرونه د احتیاط په توګه درول شوي او د پر مخ تګ اجازت نه ورول کېږي“۔
د بلوچستان وزیر اعلا او نورو لوړ پوړو چارواکو یادہ پېښه غندلې او په په پېښه کې ککړو ته د سختې سزا ورکولو امر کړی.
د بارکان لیویز چارواکي د نوم به ښولو په شرط ډیوہ ته وویل، یاد مسافر بس له کوټې څخه لاهور ته روان و، چې د بارکان په رکڼۍ سیمه کې درول شوی او له شناخت ورستو مسافر وژل شوي دي،.
زیاته یي کړه، ”وسلوالو له شناخت ورستو مسافر له بس څخه ښکته کړي، د هغوی شناختي کارډونه یې کتلي، او له ھغه وروسته یې اووه تنه وژلي، د وژل شوو تعلق د پاکستان له پنجاب صوبې سرہ دی“۔
د ضلع بارکان د لیویز چارواکو په وینا، ”وسلوالو اول پر بس ډزې کړې دي او د بس ټایرونه یې پنکچر کړي، له ھغه پس بس درول شوی او مسافر یې وژلي۔
د چارواکو په وینا، یادہ سیمه ته امنیتي ځواکونه لېږل شوي چې د پېښې تحقیقات یې شروع کړي دي. زیاتوي، امنیتي ځواکونه یادې سیمې ته استول شوې تر څو د وسلوال بریدګرو پر ضد عملیات وکړي۔
د بلوچستان پنجاب، پښتونخوا صوبې ترمنځ تر دې وړاندې ھم مسافر بسونه په نخښه شوي. تېر کال د اګست په میاشت کې و بارکان ته نېږدې موسی خېل ضلعې د راڼا شم په سیمه کې 23 مسافر له بسونو څخه کوز کړل شوي او وژل شوي وو۔