د روس چارواکو د نهې ، سه شنبې په ورځ ویلي د ماسکو په سیمه کې د یوکرین 90 ډرون الوتکو په حملو کې لږ تر لږه دوه کسان وژل شوي او 18 نور زخمیان شوي دي.
دا حمله د شپې په وخت شوي د لوی حملې یوه برخه وه چې له 300 څخه ډیر یوکریني ډرون الوتکو پکې د روس 10 سیمې په نخښه کړې چې له سرحدي سیمو څخه د روس پایه تخت پورې سیمې ورکې شاملې دي.
د ماسکو د سیمې ګورنر اندری وروبیوف په ټیلیګرام ویلي چې د ډرون په بریدونو کې زخمیان شوو نه علاوه د غورځیدلي ملیې له امله اپارټمانټ ودانۍ ته هم نقصان رسیدلی دی.
دغه حملې د ماسکو په ائیرپورټ کې په پروازونو محدودیتونه او د ريل ګاډو خدمات هم ګډوډ کړو.
د روس دفاع وزارت ویلي، د ماسکو په سیمه کې یې 91 ډرونز ویشتلې او په ټولو سیمو کې یې 337 ډزونز ویشتلې دي.
د روس دفاع وزارت وویل چې دوی په کرسک سیمه کې 126 ډرون الوتکې ، 38 په براینسک ، 25 په بلګورود ، 22 په ریازان او نور په کالوګا ، لېپټسک ، اوریول ، ورونیژ او نزنې نوګورود کې ویشتلي دي.
بلخوا د یوکرین پوځ د نهې، سه شنبې په ورځ وویل چې له 126 ډرون الوتکو څخه یې 79 یې غورځولي دي چې د روس ځواکونو د شپې په بریدونو کې کارولي وو.
یوکرین پوځ ویلي چې دغه ډرون الوتکې یې د چېرنیف، دنیپروپیټروسک، خارکیف، خرسون، کیېف، اوډیسا، پولتاوا، سومې، وېنېشیا، زاپوروزیه او زیتومیر په سیمو کې غورځولي دي.
د یوکرين د خارکیف ګورنر اولي سېنوبوف په ټیلیګرام ویلي چې د ډرون په برید کې یو تن زخمي شوی او یو ګودام ته نقصان رسېدلی دی.