د پاکستان په سند صوبه کې د هندوانو په یو مندر د حملې او د کاروبارونو د لوټولو په تور کې پولیسو د گڼ شمیر کسانو په ضد مقدمې جوړې کړي دي.
د سپټمبر په 14 مه نیټه په گوټکي ښار کې یو شاگرد په خپل استاد نوتن مل د مسلمانانو د پیغمبرد سپکاوي تور پورې کړی وو.
ددغې تور ورستو په گوټکي کې قهر جنو مظاهرچیانو په شاهي بازار کې د هندوانو کاروبارونه تاله ترغه کړي وو او سادرام داس مندر ته یې زیان رسولی وو.
د پاکستان د بشري حقونو ډلې هیومن راېټس کمېشن اف پاکستان یوه ویډیو خپره کړې چې پکې قهرجن مظاهرچیان ښودل شوي. ایچ ار سي پي په خپله پاڼه لیکي:
" ویډیو ویرونکې ده، د یوې مذهبې لږکي پر ضد ډله ایز تشدد غیرانساني او د منلو نه دی"
#Ghotki The authorities must take prompt action to quell the violence and ensure the safety of the school principal being targeted. The video circulated earlier is chilling: mob violence against a member of a religious minority is barbaric, unacceptable. https://t.co/0OrxUsO2fV
— Human Rights Commission of Pakistan (@HRCP87) September 15, 2019
یوې پاکستانۍ ورځپاڼې ليکلي دي د سپټمبر په 15مه په انټرنیټ زیاته خپره (وایرل) شوی ویډیو کې لیدل د سند اسمبلۍ د یو پخواني غړي او ځايي مخوریز میا مټو ورور میا اسلم د قهر جنو مظاهره چیانو مشري کوي.
د سند صوبې د پولیسو یو مشر ډاکټر جميل په یو ټویټ کې لیکلي دي په ښار کې د بې قرارۍ جوړونکو په ضد یې د مذهب د سپکاوي، امن ته زیان رسولو او د بازاونو لوټولو قضيې درج کړي دي.
Ghotki Police has registered 3 FIRs so far against rioters who indulged in desecration of a temple, damaging a school and other property & blocking NHW yesterday. 61 rioters have been nominated and 5 of them arrested. Remaining 157 unknown hooligans are being identified #Ghotki https://t.co/KR85Sn7LwK
— Addl IGP Dr Jamil Ahmed (@jahmed95) September 16, 2019
پولیسو د مذهب اسلام په سر تورن شوي استاد په ضد هم د اسلام د سپکاوي قضیه جوړه کړې ده. د سند صوبې په ځاي مطبوعاتو کې راغلي دي چې نوتن داس دا وخت د پولیسو په څارنه کې دی.
پولیسو مطبوعاتو ته دا هم ويلي دي چې په نوتن داس تور لگونکی طالب علم محمد احتشام منکر دی او وايي دا کار هغه نه دی کړی بلکې د هغه په نوم د یو جعلي اکاونټ نه شوی دی. خود احتشام پلار وايي چې هغه ته یې زوي شکایت کړی وو چې نوتن داس د پیغمبر سپکاوی کړی دی.
په گوټکي کې په هندوانو د حملو په وخت یو نامتو هندو تن کپیل دیو په ټویټر یوه گیله کړې ده:
"ایا مونږ پاکستانیان نه یو"
هغه په دې موضع د ټویټونو یوه لړۍ کې ليکلي دي هندوان د پاکستان د ټولې ابادۍ یواځې دوه فیصده دي، ماته دې څوک وښايي چې د زمونږ 98 فیصدو ته څخ خطر دی؟"
Aren%27t we Pakistani?We #Pakistani #Hindus are only 2% of the total population. I just want to know what danger do we pose to 98% population. Just visit my timeline & see how we observed Muhrram a few days ago, but yet we suffer incidents like #Ghotki.
— Kapil Dev (@KDSindhi) September 15, 2019
په پاکستان کې د شمارياتو د محکمې ترمخه په ملک کې د هندوانو شمېره 3.6 ملينه ده.
د پاکستان یوه ورځپاڼه ليکي د سپټمبر په څوارلسمه د صوبايي اسمبلۍ پخواني غړي میا مټو اولس اړي گړي ته پارولی وو.
اوس په ټولینزو رسنیو کې په راغلي عکسونو کې میا مټو د پاکستان د وسني وزیراعظم عمران خان، پوځي جر نیلانو او نورو مخوریزو سره لیدل کیدی شي.
#MianMithoo and friends. #Ghotki pic.twitter.com/54luc0F1su
— Salman Sikandar (@SALSIKandar) September 15, 2019
میا مټو په ځان لگیدلي تورونه ردوي خو په په میا مټو دا هم تورونه دي چې هغه د هندوانو جینکو د مذهب د بدلولو د منصوبې سر خیل دی.
یو پاکستاني کالم لیکونکي نديم پروچه په ټویټر لیکلي دي چې میا مټو د پیلپز گوند نه شړل شوی وو، بیا د عمران خان په گوند تحریک انصاف کې شامل شو خو چې د اسمبلۍ ټکټ ورته ور نه کړی شو نو اوس ځان په دې کارونو ژوندی ساتي.
Mian Mitho is a hate-spewing quack. He symbolises the extremism seeping in northern Sindh. He was thrown out by PPP. He later joined PTI, but was refused a ticket to contest election. Now here he is trying to remain relevant by exploiting laws that have become weapons of bigots.
— Nadeem Farooq Paracha (@NadeemfParacha) September 16, 2019
د پاکستان د مذهب د سپکاوي قانون
په پاکستان کې د مذهب سپکاوی یو ډیره حساسه مسله ده. داسې څو ځله شوي چې تورن تن د شواهدو او عدالت پرته قهر جنو مظاهره چیانو وهلی، ټکولی او بیا وژلی وي چې ورستی مثال یې مشال خان دی.
مشال خان په 13 اپریل 2017 کې د عبدالولي خان پوهتنون نورو طالبعلمانو او د پوهنتون غړو وژلی وو. د عدالتي فیصلې تر مخه مشال خان بې گناه وو.
د پاکستان د مذهب دسپکاوي په لانجمن قانون کې د مذهب د سپکاوي سزا مرگ دی. ددې قانون ناقدين وايي زیاتره وخت دا قانون د شخصي دښمنیو لپاره کارول کیږي.
په پاکستان کې د مذهب د سپکاوي قانون په 1986 کې پخواني پوځي امر جنرل ضیا الحق جوړ کړې وو.
ددې قانون لاندې چاته هم د مذهب د سپکاوي اجازت نشته. ددې لانجمن قانون د جوړیدلو را په دېخوا نزدې 1500 کسان تورن کړی شوي چې زیاتره پکې غیر مسلمانان وو.
په پاکستان کې د مذهب د سپکاوي په لانجمن قانون په هېواد کې دننه او بهر نیوکې کیږي دي چې اصلاحات دې پکې وشي.
تییر کال د نومبر د میاشتې په 19 مه نیټه د پاکستان وزيراعظم عمران خان په اسلام اباد کې د پاکستان د حکومت په دوه ورځني رحمت العالمين کانفرنس کې ويلي وو پاکستان به د مذهب د سپکاوي په ضد يو نړيوال قرارداد وړاندې کوي.
هغه ویلي وو هر څو کاله پس په غربي نړۍ کې د اسلام د پيغمبر سپکاوی کيږي، چې د مسلمانانو زړونه ورسره ازاريږي او د دغه عمل د مخنیوي لپاره به د پاکستان حکومت يو قرارداد راوړي.
ښاغلی خان به دغه قرارداد کله او چرته وړاندې کوي نه ده معلومه.