افغان ولسمشر اشرف غني او ګڼو نورو چارواکو د ۲۰۱۹ کال د کرکټ نړیوال کپ سیالیو ته د افغانستان په وتلو ملي ډلې او افغان ولس ته مبارکي ورکړې.
افغان ولسمشر اشرف غني په یو ټویټ کې ویلي:
(د ۲۰۱۹ کال د کرکټ د نړیوال کپ سیالیو ته د افغانستان د وتلو له امله د زړه له کومي ولس ته مبارکي وایم. ایرلند سره که څخه هم بخت یاري و نه کړه خو ښه لوبه یې وکړه. نړیوال کپ ته د شنو زمریانو د دوهم ځل په ورتلو باندې ویاړو. تاسو ولس ته ویاړ وبخښه. ډیره ښه لوبه مو وکړه.)
Heartfelt congratulations to the Afghan nation on qualifying for the #ICCWQ2019. Hard luck and well played Ireland. Proud of #BlueTigers for making it to their 2nd consecutive world cup. You made the nation proud. Well done!
— Ashraf Ghani (@ashrafghani) March 23, 2018
دا دوهم پرلپسې ځل دی چې د ترهګرۍ ځپلي افغانستان د کرکټ ملي ډله د کرکټ د نړیوال کپ سیالیو ته ځان رسوي.
په پاکستان کې افغان سفیر عمر زاخېلوال په خپلې ټوېټر پاڼې باندې لیکلي:
(د افغانستان د کرکټ بورډ چارواکو، زمونږ ملي ټیم، د هغوی مینوالو او ملاتړو ته زمونږ د ددې سختې بریا مبارکي ورکوم چې له امله یې مونږ د ۲۰۱۹ کال د کرکټ نړیوال کپ سیالیو ته ورسېدو.)
Congrtulations to @ACBofficials, our national cricket team and its fans & supporters for our National Cricket Team’s nail biting critical victory today that now qualifies it for the World Cup 2019. Well-done! pic.twitter.com/c4tBEPjVqg
— Dr Omar Zakhilwal (@DrOmarZakhilwal) March 23, 2018
د ګڼو نورو افغان چارواکو ترڅنګ د کړکټ یو شمېر نړیوالو مشرانو هم افغان لوبډلې ته ددغې بریا مبارکي ورکړې.
د امریکا د مرېلنډ د ځوانانو د کرکټ مشر جېمي هېرېسن په یو ټویټ کې د مبارکۍ ترڅنګ ویلي چې افغانستان په دغو لوبو کې له ډیرو سختو تېر شو او ځان یې بریالیتوب ته ورساوه.
@ACBofficials Congratulations and well-played! The team had its backs against the wall almost from the start, and never blinked. They weathered incredible pressure and came through to win. Incredible fortitude. @hmohib
— Jamie Harrison (@JamieHarrison__) March 23, 2018
ټاکل شوېده چې د نړیوال کپ سیالۍ به په انګلستان کې د ۲۰۱۹ کال د مې له ۳۰مې نېټې پیل او د جولای د میاشتې تر ۱۴مې نېټې پورې به دوام وکړي.
د ۲۰۱۹ کال د کرکټ د نړیوال کپ په سیالیو کې به اوس د افغانستان په ګډون ټول لس ټیمونه برخه واخلي چې په هغو کې، انګلستان، اسټرالیا، هند، نیوزیلنډ، سویلي افریقا، پاکستان، سریلانکا، ویسټ اېنډیز او د بنګلدیش هېوادونه دي.
Celebrations of Afghanistan%27s qualification to World Cup 2019 https://t.co/Ym8IGdzbGA
— Afghan Cricket Board (@ACBofficials) March 23, 2018