د پښتونخوا په مومندو کې یوې ښځې خپل کورته ورتلونکی پاکستانی پوځي وژلی دی

واشنگټن ډي- سي — 

د پاکستان د خیبر پښتونخوا په مومندو کې ېوې پښتنې ښځې د هغې کورته د اجازې بغېر په ورتلونکي پوځي د خپل عزت ساتلو په کوښښ کې ډزې کړي دي. د سیمې نه خبریالان وايي پوځي په ټک وژل شوی او ځاي خلکو د پوځ په ضد احتجاجونه پیل کړي دي.

د مومندو پېښې ته د پښتون ژغورنې غورځنگ مشر منظور پښتين په خپل غبرگون کې ويلي دي چې ددې پېښې دې پلټنې وشي، هغه وویل:

"دا ېواځې د مومندو نه, د ټولو پښتنو کیسه ده، پښتانه دا غږ ورسره بدرگه کوي" منظور پښتين غوښتنه وکړه:

" د پښتنو د کورونو د چادر او چار دیوارۍ پایمالي دې نوره بند شي"

د پښتنو د کورونو د چادر او چار دیوارۍ پایمالي دې نوره بند شي

د مومندو ضلعې انتظاميي یو چارواکي د نوم نه ښودولو په شرط منلي دي تيره شپه د تحصيل صافو مامد گټ سيمه کې د ايف سي يو عسکر وژل شوې دې.

د سېمې څخه خبریالان وايي نن سبا په دغه سیمه کې نه خو د لټون او نه نور څه عملیات روان وو.

د سېمې خلکو ډيوه ته ويلي دي دغه عسکر د شپې په وخت د کور دروازه ټکوله او د بې عزتۍ په خاطر ورننوتلو چې د کور یوې زنانه په ډزو ووژلو.

د خلکو تر مخه د دغه کور نارينه د مزدريو په غرض د سيمي نه بهر دي او په دغه وخت هم کور کې نارينه نه موجود نه وو.

په سیمه کې د احتجاجونه ویډیو فلمونه په ټولنيزو رسنیو خپاره شوي دي. په سوشل ميډيا ښکاري چې يو تن احتجاج کونکو ته وايي دې زنانه د ټول قام شمله اوچته کړې ده. هغه گواښ وکړو که بیا چا داسې وکړل نو وژني به یې.

يو تن احتجاج کونکو ته وايي دې زنانه د ټول قام شمله اوچته کړې ده

منظور پښتين په خپل ټویټر د احتجاج یوه ویډیو خپره کړېده.

احتجاج کونکو وویل چې دا يواځنې پيښه نه ده . هغو وویل دا څلورمه پينځمه پيښه شوه مسلسل د عزتونو اخستو کوښښ کیږي او د چادر او چا رديوارۍ تقدس پامال کړی کیږي.

دا وړومبی ځل نه دی چې د پښتنو په سیمو کې د امنيتي ځواکونه غړي د پښتنو ښځو په بې عزتۍ کولو تورن کړی شوي وي.

په دسمبر 2018 او جنورۍ 2019 کې د پښتنو د کورونو د بې سترۍ خبرونو او ويډيوگانو په سوشل ميډيا د پاکستان د پوځ په اړه قهرجن بحثونه راپارولي وو.

په يوه ويډيو کې د شمالي وزيرستان د خيسور کلي ديارلس کلن حيات خان ويلي وو پاکستاني پوځيان يې کور ته بغير له تپوسه ورځي او د کور ستر ورماتوي.

ددغه ویډیو ورستو قهرجنې مظاهرې شوې وې او بیا د پاکستان دپوځ یو لوړ پوړي چارواکي دشمالي وزیرستان خیسور سیمه کې دپوځیانو لخوا په رسمي ډول بخښنه غوښتې وه.

په یوه بله ويډيو کې د سوات یو ټولنيز فعال ملک رياض خان دعوه کړی وه چې پوځيانو د سوات نه تر 1000 پورې واده کړې ښځې او ناواده کړې جينکۍ تښتولي دي.

هغه ويلي وو چې زیاتره پېښې د مغار ډېرۍ، سر سيڼۍ، توتانو بانډۍ او په حيات اباد مينگورې کې شوې دي. د پاکستان د پوځ لخوا دغې تورونو ته هيڅ ځواب نه دی ويل شوی.

(خبر کې د سيمې خبریالانو کمک کړی دی)