د پاکستان بشري حقونو کمیشن په شمالي وزيرستان کې د پوځي عملیاتو په وخت د اولسي وژنی په خبرونو سخته فکر مندي ښودلې ده. د ډيوه ریډیو سره مرکې په وخت د کمیشن شريک مشر کامران عارف ویلي "مونږ د عام اولس د وژلو په خبرونو سخت تشويش ( فکر مندي) لرو خو سيمې ته د تلو اجازت نشته نو مونږ یی پخلې نه شو کولی''
خپله د اېچ آر سي پي رپورټ د کډوالود خولې ليکي په شمالي وزيرستان کې د ترهگرو په ضد روان ضرب عضب پوځي عملیاتو کې دماشومانو او ښځو په شمول گڼ شمېرعام اولس وژل شوې. ولې د پاکستان پوځ وایی هلته وژل شوي زياتره خلق تر هگر وو او د پوځ او هیواد خلاف په جگړه کې بوخت وو.
کامران عارف غوښتنه کړې چې سيمې ته دې د بشري حقونو کارکونکو له لاره ورکړې شي چې بې پلوه ننداره او څیړنه وکړي . د عمل یاتو شورو کیدلو ورستو د حکومتي پابندو په وجه سيمې ته نه خو اذاد خبریالان او نه د بشري حقونو کار کونکي تلې شي. کامران عارف وایی د حکومتي عملدارۍ قائمولو مخا لف نه دی خو وایی د بې گناه انسانانو وژل د قبول وړ نه دي او حکومت له پکار ده چې د عامو خلقو وژلو نه بچ کیدلو قوي گامونه پورته کړي.
Your browser doesn’t support HTML5
د پاکستان بشري حقونو کمیشن شريک مشرکامران عارف ډيوه سره مرکه