د پاکستان مشهور سیاستدان او پخوانی وزیراعظم عمران خان له دې تهمته په شا شوی چې ګني د هغه د حکومت په ختمولو کې د امرېکې لاس ؤ.
کله چې فنانشل ټابمز د عمران خان نه دهغه د حکومت په ختمولو کې د امرېکې د رول په هکله تپوس وکړو نو ښاغلي خان خپل تهمت تکرار نکړو.
د برتانیې معتبرې ورځپاڼې فنانشل ټایمز د عمران قول نقل کړی چې وايي:
“دغه خبره ختمه ده، وس شاته پاتې ده”
د ښاغلي خان په هکله مشهوره ده چې هغه د خپلې خبرې نه په یوټرن اخستلو (منکریدلو) کې ثاني نلري، خو په امریکې د لګولي “ستر سازشي تهمت” نه په شا کیدل د هغه مخالفین او څیړونکي هم حېرانه کړي دي.
د پاکستان د اطلاعاتو وسنۍ وزیرې مریم اورنګزیب په خپل چټک بیان کې په عمران خان د هیواد مفاداتو ته د ژور زیان رسولو تر څنګ دا هم تنقید کړی دی چې دی وس د خپل دغه سازشي تهمت نه په شا شو، خو قامي مفاداتو ته یې ستر زیان ورسولو.
د واشنګټن په څېړنیزې ادارې ویلسن سنټر کې د جنوبي ایشیا د څانکې مشر مایکل کوګلمېن په خپل یو تويټ کې ګمان کړی دی چې د عمران خان بیان بدلول ظاهروي د هغه اقتدار ته د بیا رسیدلو امکانات دي:
“ د عمران خان د خپل حکومت په ختمولو کې د امرېکې د سازش د بیان نه په شا کیدل ښايي چې هغه اقتدار ته د خپل ممکنه راتګ نه وړاندې د امرېکې سره کړکېچ راکم کړي. څو ورځې وړاندې تحریک انصاف ګوند په امرېکې د پیسو په بدل کې تعلقاتو د جوړولو یوه اداره هم په کار لګیا کړیده”
What to make of Imran Khan’s comment that he’s moved on from the “US conspiracy” aspect of his ouster?It suggest he wants to ease his tensions with US, in anticipation of a possible return to power. And this isn’t coming out of nowhere. Some weeks ago, PTI US hired a PR firm.
— Michael Kugelman (@MichaelKugelman) November 14, 2022
په پښتونخوا کې د تحریک انصاف د حکومت مخالفه قامپرست عوامي نیشنل ګوند د صوبې صدر ایمل ولي خان د عمران خان د خپل بیان نه په شا کیدلو ورستو د ښاغلي خان نه پوښتلي:
“ښه نو وس دا ووایه چې ستا حکومت چا ړنګ کړو”؟
ایمل خان پخپل ټویټ کې په عمران خان د هغه د روس د سفر او په هیواد کې د دروغو په زریعه د انتشار د خورولو په هکله هم تنقید کړی دی.
اچھا تو پھر بتاتے چلیں کہ آپکی حکومت کس نے گرائی؟دورہ روس پر آپ نے جھوٹ کی بنیاد پر معاہدوں کا جو ڈھول پیٹا اس کا کیا بنے گا؟جس بیانیے پر پورے ملک میں انتشار اور جھوٹ پھیلایا، اس کیلئے آپ کو جواب دینا ہوگا۔ آپ پر اندھا اعتماد کرنے والوں کیلئے بھی اس میں عقل کی نشانیاں موجود ہیں۔ pic.twitter.com/P1kbluCFgM
— Aimal Wali Khan (@AimalWali) November 14, 2022
پاکستاني خبریال اسد علي طور په خپل طنزیه ټویټ کې لیکلي دي:
“بیانیه سرته ورسیده او د خاورو لاندې شوه، د تحریک انصاف د پلویانو مهرباني چې خپل مشر د زومبیانو په شان مني”
Narrative done and dusted, thanks to #PTI followers who follow him like zombies 🤗 https://t.co/xwugFMzBIE
— Asad Ali Toor (@AsadAToor) November 14, 2022
یو بل پاکستان خبریال او کالم نویس فهد حسین لیکي:
کله هم څه سازش نه ؤ شوی، دغه خبره د قامي سلامتیا کمیټۍ هم کوله، پي ډي ایم هم کوله، پوځ هم کوله او خپله د عمران خان ملګرو په شخصي محفلونو کې هم کوله. دغه یو ستر دروغ وو. وس پخپله دروغ ویونکي قبول کړه تر ډیر تاوان رسولو پس”
There was never any conspiracy. NSC said so, PDM said so, military said so, even PTI people in private admitted so. It was a Big Lie. Now the peddler accepts it too. Imagine the cost & damagePTI chairman Imran Khan no longer blames US for his ouster https://t.co/RDDiYEXF2l
— Fahd Husain (@Fahdhusain) November 14, 2022
لومړی ځل ندی چې عمران خان د خپلو خبرو پشا شوی وي، وړاندې هم ښاغلی خان د خپلو خبرو خبرو څو ځله په شا شوی دی.
د عمران خان ځیني پخواني بیانونه بدلول
په کال 2019 کې زاړه پالي هندي وزیراعظم نرېندرا مودي عمران خان ته پیغور وکړوچې که پټهان (پښتون) یې نو په خپله خبره ټینگ پاتې شه.
هندي وزیراعظم په راجهستان کې ېوې اولسي غونډې ته وویل عمران خان ته یې په انتخاباتو کې د گټې ورستو په ټلیفون امبارکي ورکړې وه او ورته یې خواست کړې وو چې د جگړو څه نه جوړیږي، راځه چې په شریکه د بېوزلۍ او بېسوادۍ په ضد جنگ وکړو.
مودي, عمران خان ته خپل لوظ هم وریاد کړلو چې که ته د یو پټهان (پښتون) زوی یې، او تل رښتیا وایي نو وس خپل قول پالې که نه؟
په کال 2018 دسمبر میاشت کې د انگریزۍ ژبې یو پاکستاني اخبار پاکستان ټوډې ليکلي وو عمران خان د خپلو زیاترو لوظونو او اعلانونه نه په شا کیږي ځکه ورته د هغه سیاسي مخالفین یوټرن خان وايي.
دغه نیوکو ته په ځواب کې وزیراعظم عمران خان خپل دریځ داسې ویلی وو چې هغه رهبر یا مشر په اصل کې هډو رهبر یا مشر نه وي، چې د حالاتو له غوښتنې سره سم له خپلې کړې خبرې په شا نه شي یا د خپل کړي لوظ نه بې لوظه نه شي.
د پاکستان د وزیراعظم عمران خان پخوانۍ برتانوۍ ښځې جمایما ګولډ سمیت هم د هغه په هغه وینا نیوکه کړې وه چې په پاکستان کې یې په ښځو د جنسي تېري سبب د "فحاشۍ" زیاتېدل بللي.
جمایما خان په خپل ټویټر لیکلي وو:
"زه هیله منده یم چې د عمران خان خبره غلطه را نقل شوې یا یې غلطه ترجمه شوې ده. کوم عمران خان چې ما پېژانده هغه به ویل چې د ښځې نه بلکې د نارینه پر سترګو باندې پرده واچول شي".
I%27m hoping this is a misquote/ mistranslation. The Imran I knew used to say, "Put a veil on the man%27s eyes not on the woman." https://t.co/NekU0QklnL
— Jemima Goldsmith (@Jemima_Khan) April 7, 2021
عمران خان چې واک ته نه ؤ رسدلی نو دعوا به یې کوله چې که حکومت یې راغلو نو ځوانانو ته به یو کروړ نوکرۍ اؤ پنځوس لکه کورونه جوړوي خو د روان کال په مارچ میاشت کې په اسلام اباد کې چې کله زلمیو د هغه نه د نوکریو غوښتنه وکړه نو عمران خان په جواب کې وویل چې په ایي ټي اؤ نورو څانګو کې هنرونه ایزده کړي اؤ له دغې لارې ځانونه پخپلو پښو ودروي.
هغه وویل چې حکومت سره دومره پیسې نشته چې هرچاته سرکاري نوکري ورکړي .