په بهر هیوادونو کې مېشتو بلوڅ ملت پالانو او د بشري حقونو لپاره کارکونکو ویلي دي د پاکستان امنیتي ځواکونو د کرېمې بلوڅ جنازه هم کنټرول “قابو” ساتله، د فعالینو په خیال د پاکستان ځواکونو د کرېمې بلوڅ د جنازې او ګور ته ورسپارلو د مراسمو په وخت هم د بلوڅانو زړونه ازارولي دي.
د هیومن رایټس کونسل اف بلوچستان مرستیال مشر لطیف جوهر بلوڅ وي او ای ډیوه ته د واټس اپ د لارې په لېږلي ځواب کې وویل امنیتي ځواکونو د کرېمې بلوڅ د مړي لیدلو ته هم څوک نه پرېښودل:
“ښځو او ماشومانو د هغې جنازه وکړله” هغه وویل، دويي د مړي نه هم ویرېدل.
له پاکستانه خبریالانو ویلي دي په کنېډا کې په مشکوکه توګه د مړې شوې بلوڅ فعالې کرېمې بلوڅ جنازه او ګور ته سپارلو مراسمو ته د پاکستان امنیتي ځواکونو څوک نه ورپرېښودل.
په تربت سیمه کې یو خبریال د نوم نه ښودلو په شرط ډیوه ته وویل:
“ ضلعي حکومتي چارواکي،له تېرې شپې راهيسې پوليس او د امنيتي ځواکونو سرتيري پر قبرستان شاه وخوا ولاړ وو، موږ ډېر کوښښ وکړلو چي هلته د هغې جنازې ته ورشو خو تمپ سيمې ته د تللو ټولې لارې تړل شوې”
د پاکستان امنیتي ځواکونو یا حکومتي چارواکو نه ده په ډاګه کړې دويي د کرېمې په جنازه کې څوک ګډون ته ولې نه پرېښودل.
په سیمه کې د ډیوه خبریالانو د متعلقه چارواکو سره رابطې کړي خو چا هم ددغه سوالونو ځواب نه دی ورکړې چې د کریمې په جنازه کې ګډون کونکي ولې په چیک پوستو ودرول شوي وو.
په کنیډا کې مېشت د کرېمې بلوڅ ورور سمیر مهراب په ټویټر لیکلي دي په تمپ سیمه کې ېې د خپلوانو سره هیڅ قسمه رابطه نه ده شوې:
"تمپ د پاکستان د ځواکونو په مکمله ولقه کې دی، زه نه یم خبر چې زما د کورنۍ غړي اغوا شوي کنه نیول شوي دي، د ټلیفون ټولې لارې تړل شوي دي"
Pakistan’s army thought it was humiliating us today when it ordered our women, instead of men, to carry Karima’s coffin to the grave. But I’m glad it was the women. It’s symbolic. Karima struggled all her life for women’s empowerment. She would have been proud. pic.twitter.com/09Lxr29QaQ
— Sameer Mehrab (@Sameer_Mehrab) January 25, 2021
لطیف جوهر وویل ادارو نه خو د کرېمې جنازې ته څوک پرېښودل او نه وس څوک د غایبانه جنازې مراسمو ته پرېږدي:
"پولیس لګیا دي هغه خلک هم نیسي څوک چې د هغې د جنازې غایبانه لومنځ ادا کول غواړي"
د لطیف تر مخه عسکرو د کرېمې خواښې هم د هغې جنازې ته نه پرېښودلې لطیف بلوڅ په خپله ټویټر پاڼه یوه ویډیو خپره کړې او ورسره لیکي:
"د کرېمې بلوڅ خواښې وايي د پاکستان امنیتي ځواکونو دا د خپلې اینګور جنازې ته پرې نه ښودله، هغې په ګېنټو ګېنټو په پښو سفر وکړو، د چیک پوستو نه په بدلو لارو لاړه او تمپ ته ورسېدله"
The mother-in-law of @KarimaBaloch says Pakistani security forces didn’t allow her to attend her daughter-in-law’s funeral. She walked for hours, avoiding military checkpoints to arrive in Tump from Turban city. #Balochistan#JusticeForKarimaBaloch pic.twitter.com/N3H3iAb5QP
— Lateef Johar Baloch (@LateefJohar) January 26, 2021
سمیر مهراب په یو بل ټویټ کې د خپلې خور د جنازې د کټ هغه عکس ورکړی چې پکې لیدل کیږي د کرېمې جنازه څلورو ښځو پورته کړېده.
په نیو یارک کې مېشتې د بشري حقونو پښتنې فعالې ګلالۍ اسماعیل هم دغه عکس ته په خپل غبرګون کې لیکلي دي:
“دا د ښځو طاقت ښايي چې د کرېمې جنازه وړي خو زه غصه یم چې پوځ دا فیصله کوله چې جنازه به څوک اوچتوي”
It’s powerful for women to carry Karima’s body to the grave but it angers me that army was controlling who will take the Janaza to grave. It was not for them to decide and impose.
— Gulalai Ismail ګلالۍاسماعیل (@Gulalai_Ismail) January 25, 2021
د کريمه بلوڅ خاوند حمل حيدر پر خپل ټويټر پاڼه ليکلي چې د کريمې بلوڅ له وصيت سره يې سم د هغې مړی د هغې پلرني وطن تمپ ته ليږلی.
د کرېمې بلوڅ په کنېډا کې د مشکوکه مړېنې ورستو په امریکه، کنېډا او اروپا کې یو شمېر تنظیمونو په بیانونو او احتجاجونو کې د پاکستان په اسخباراتي ادارو تور پورې کولو چې ګوندې کریمه یې وژلې.
خو د کنېډا پولیسو ویلي د کريمې په مرګ کې د جرم کوم څرک نه ښکاري.
د ټورنټو پولیسو په 23م دسمبر د لومړنیو پلټنو په اړه په ټویټر لیکلي ؤ :
"افسرانو دا یوه غیرمجرمانه مړینه ګڼلې او د وژنې څه شک نه شته. موږ یې کورنۍ ته معلومات ورکړي دي".
کريمه بلوچ د 2020م کال د دسمبر پر 20مه د کېنېډا په ټورنټو ښار کې په مشکوکه توګه مړه شوې وه.