د خیبر پښتونخوا حکومت په ماشوم والي کې په ودونو پابندي او د واده دپاره د عمر کم نه کم حد ١٨ کاله ټاکل غواړي.
ددې مقصد لپاره صوبايي حکومت د "چایلډ میرج ریسټرینټ ایکټ" یا د ماشومانو د واده د مخنیوي قانون په نوم د قانون مسوده یا بل صوبايي اسمبلۍ ته په اینده نشست کې د پیښ کولو اراده لري.
سرچینو وي او ای ډیوه ته ويلي د مجوزه قانون ترمخه به د واده لپاره د عم کم نه کم حد ١٨ کاله وټاکل شي. د کال ١٩٢٩ د قانون د لاندې د واده د عمر حد ١٦ کاله و.
ددې نه وړاندې، د کال ٢٠١۴ او د کال ٢٠١٦ ترمنځ پورې هم دغه رنگ قانوني مسوده یا بل صوبايي اسمبلۍ ته وړاندې کړی شوی و خو بیا د ډیر د ځنډ ورسته دا اسمبلۍ منظور نه کړو او رد شو.
د زنانه ؤ د حقونو فعالین او د مدني ټولنې کارکونکي د ډیر وخت راهسې واده لپاره د عمر، په خصوصي توگه د جینکو د عمر، حد د زیاتولو غوښتنه کوي خو ځینې مذهبي ډلې چې په صوبايي اسمبلۍ کې هم نمایندگي لري ددې مخالفت کوي.
د مجوزه قانون د خلاف ورزۍ په صورت کې درې کاله د قید او د درنې جرمانې سزاگانې ورکړی کیدی شي.
د قانون د مجوزه مسودې ترمخه، واده کونکي هلک او جینۍ دپاره به دا لازمي وي چې د نکاح د رجسټر کولو یا د اندارج په وخت دواړه خپل خپل قامي شناختي کارډ پیښ کړي.
په دې اړه نور تفصیل پېښور نه د وي او ای ډیوه خبریال حمیدالله په رپورټ کې اوریدی شئ
Your browser doesn’t support HTML5
په ماشوم والي کې د ودونو د مخنیوي قانون