په قامي اسمبلې کې حکومت مخالف عوامي نيشنل ګوند د پښتون ژغورنې غورځنګ د دوو مشرانو او د پارلېمنټ غړو، علي وزير او محسن داوړ، اسمبلې ته د ورغښتلو مطالبه کړې او د ای اېن پي امير حيدر خان هوتي په اسمبلۍ کې وویل چې د شمالي وزيرستان د ولسونو ګيلې په زور نه په خبرو هواريدلی شي.
د ګل، دوشنبې، په ورځ قامي اسمبلې کې په بچټ د وينا په مهال امير حيدر خان هوتي د پليپز ګوند اصف علي زرداري او د مسلم ليګ نواز خواجه سعد رفیق اسمبلې ته د راغښتلو ستاينه وکړه خو ویې وېل چې شمالي وزیر او جنوبي وزیرستان د پامه نه دي غورځول پکار.
ښاغلي هوتي وویل دا وخت په اسمبلۍ کې د دغو سيمو نمایندگي نشته او بايد چې سپيکر دې د محسن داوړ او علي وزير اسمبلۍ ته د راوستلو امر جاري کړي.
که څه هم په پارلېمنټ کې د پيپلز ګوند چيرمين بلاول بهتو زرداري د خپل پلار اصف علي زرداري ترڅنګ د علي وزير او محسن داوړ پارليمان ته د ورغښتلو مطالبه کړ وه خو د قامي اسمبلې سپيکر اسد قيصر په وروستیو کې ويلي وو چې هغه ته د دغه دوو غړو لخوا اسمبلې ته د ورغښتلو کوم خواست نه دې ورکړی شوی او که چېرې د هغوي لخوا خواست ورشي نو غور پرې کيدې شي.
ښکاره دي وي چې د پښتنون ژغورنې غورځنګ دغه دوه مشران دا وخت د شمالي وزيرستان د خړ کمر د پېښې په سر نيول شوي او د یو شمېر مقدمو سره مخامخ په جيلونو کې بنديوان دي.
د گل، دوشنبې، په ورځ د پېپلز پارټۍ شریک مشر بلاول بهټو هم د قامي اسمبلۍ په سپیپکر اسد قيصر غږ وکړو چې د محسن داوړ او علي وزیر اسمبلۍ ته د راوستلو امر دې جاري کړي.
قامي اسمبلۍ ته د ای اېن پي د امير حیدر هوتي د خبرو نور تفصیل د اسلام اباد څخه د وي او ای خبریال ارشدحسین خپل رپورټ کې وړاندې کوي:
Your browser doesn’t support HTML5
د ای اېن پي امیر حېدر هوتي د محسن داوړ او علي وزیر قامي اسمبلۍ ته د راوستلو غوښتنه کړې ده