د پاکستان الیکشن کمیشن یو چارواکي ویلي د پنجاب او د بلوچستان په ځینې سیمو کې د وسلوالو ډلو موجودگي د هېواد په اینده عام انتخاباتو اثر غورځولی شي.
د الیکشن کمیشن سېکرټري بابر یعقوب دغه خبره د سنیټ د کورینو چارو کمیټۍ ته کړې ده.
د سنیټ دغه کمیټۍ د بلوچستان غړې کلثوم پروین وي او ای ډیوه ته وویل د الیکشن کمیشن چارواکي د کمیټۍ غړو ته د اینده عامو انتخاباتو په اړه معلومات ورکړل او وې ویل چې په حساسو سیمو کې به ازاد انتخابات کول مشکل وي.
د میرمن کلثوم پرون ترمخه، د الیکشن کمیشن چارواکي دا تشویش څرگند کړو چې د پنجاب په ځینې سیمو کې مسلح تنظیمونه او د بلوچستان په ځینې برخو کې بېلتون خوښې ډلې د اانتخاباتو په لاره کې خنډان راولاړولی شي.
د موجوده حکومت د پنځه کاله وخت په پوره کېدو د پاکستان الیکشن کمیشن په هېواد کې د جولايي په ٢٥ مه نېټه د عامو انتخاباتو اعلان کړی دی.
په دې اړه نور تفصیل د وي او ای ډیوه خبریال پیر ولایت شاه په رپورټ کې اوریدلی شئ
Your browser doesn’t support HTML5
د انتخاباتو دپاره د پنجاب او بلوچستان ځینې حساسې سیمې