د پاکستان خارجه سکتر اعزاز احمد چودهري ویلي د شام او عراق وسله واله ډله داعیش پاکستان کې کوم وجود نه لري ولې دا يي منلې چې د پاکستاني طالبانو څخه بیلې شوي ځېنې ډلو داعیش کې د شاملیدو اعلان کړی.
خارجه سکتر د سینیټ د خارجه چارو کمیټۍ ته یو اورنې په مهال ویلي چې د طالبانو بیل شوي ډلې د خلکو توجه ځان ته راگرځولو دپاره دا کار کوي. دې بریفنگ په مهال د خارجه وزارت چارواکې ویلي چې داعیش یو خطر دی.
د سنیټ د خارجه چارو د کمیټۍ مشر سنیټر حاجي عدیل وي او ای ډیوه ته د بریفنگ ورسته یوې مرکې کې ویلي چې د پاکستان دغه غیر واضحه پالیسۍ په هکله يي د خارجه چارو دغه چارواکې نه نېغې پوښتنې کړې. سنیټر حاجي عدیل وایي دغه چارواکې نه يي چې کله وپوښتل د طالبانو کمانډر حافظ سعید د لال مسجد مولانا عبدالعزیز ښځې په وډیوگانو کې پخپله داعیش سره د الحاق اعلان کړی او نور یو شمیر شواهد موجود دي نو د خارجه وزارت دې چارواکې ځواب ورکړو چې که چرې داسې وي نو بیا پکار ده چې د کورنیو چارو وزارت په دې لړ کې مناسب گامونه واخلي.
د پاکستان حکومت دداعیش په هیواد کې د موجودگۍ نه انکار کوي خو تجزیه کار او خپله داعیش مني چې دې سېمې ته خپل اثر غزولی دی. په انټرنیټ یو وډیو کې داعیش ویلي چې د خراسان په سیمه کې يي خپلې څانگې پرانستې دي. خراسان د موجوده افغانستان او پاکستان یو تاریخي نوم دی.
د سنیټر حاجي عدیل سره مرکه اسلام آباد کې د ډیوه خبریال پیر ولایت شاه کړې دلته يي اوریدی شۍ:
Your browser doesn’t support HTML5
د سنیټر حاجي عدیل مرکه