د پاکستان ځيني سیاسي مشرانو او خبریالانو د شمالي وزیرستان په پېښه د پاکستاني مطبوعاتو کردار یو اړخیر او شرمناک بللی دی. په ټولنيزو رسنیو د پاکستان په میډیا په ټکونو کې ويلي شوي دي چې مطبوعات د شمالي وزیرستان د پېښې خبرونه داسې ورکوي لکه په 1971 کې یې چې د هند نه د بایلونکې جگړې په وخت ورکول.
په 1971 کې د پاکستان د 70000 نه زیات پوځ د هند پوځ ته سلامي شوې وو، پاکستان جگړه بایللې وه خو اخبارونو لیکل تر بري پورې به جگړه روانه وي.
د پښتون ژغورنې مشرانو وي او ای ډیوه ته ويلي دي په شمالي وزیرستان خړکمر سیمه کې په یوه چیک پوسته د پاکستان پوځ په بې وسلې مظاهرچیانو ډزې کړي او د پښتون ژغورنې غورځنگ درې غړي یې وژلي او تر دیرشو یې ژوبل کړي خو دپاکستان پوځ په شمالي وزیرستان کې دپي ټي ایم اؤ پوځ ترمنیځ دشوې نښتې پړه په پي ټي ایم ور اړولې ده.
د پاکستان په مطبوعاتو کې دا وخت یواځې د پوځ دریځ لیدل کیږي او په پي ټي ایم تنقید کیږي چې په پوځ یې حمله وکړه. د میډیا دغه چلند ته سیاسي مشرانو او خبریالانو په ټولنيزو رسنیو غبرگون ښودلې دی.
پورے واقعے میں میڈیا نے منفی کردار ادا کیا،قوم کو تصویر کا دوسرا رخ دکھانے سے کون روک رہا ہے؟احتجاج ہر شہری کا بنیادی حق ہے اور اقتدار کے نشے میں مست حکمران حقیقت کا سامنا کرنے کا حوصلہ پیدا کریں،سیاسی محاذ آرائی ملک و قوم کیلئے کبھی بھی نیک شگون قرار نہیں پاتی۔ https://t.co/fBEd1CdZkB
— Asfandyar Wali Khan (@AsfandyarKWali) May 26, 2019
د عوامي نیشنل گوند د مشر اسفندیار ولي خان د ټویټر اکاونټ نه ویل شوي دي چې په پوره پېښه کې میډیا ډېر منفي رول ولوبولو، هغه تپوس کړی دی د تصویر بل اړخ ښودلو ته تاسو څوک نه پریږدي؟
خبریال عمر چيمه ليکلي دي "دنن میډیا کوریج د 1971 نه څومره بدل دی؟"
آج کی میڈیا کوریج 1971 سے کتنی محتلف ہے؟ pic.twitter.com/xsOBG8lQfa
— Umar Cheema (@UmarCheema1) May 26, 2019
یو بل خبریال احمد نوراني ليکلي دي
بدلیدونکې تگ لارې، غریبه میډیا او د هغې تش په نوم مدیران- وړومبې یې وویل چې دا خبر مه ورکوئ چې په احتجاج کونکو په ډزو کې درې کسان وژل شوي بلکې داسې خبر ورکړئ چې درې حمله کونکي وژل شوي، په دې عمل وشو، بیا بل حکم وشو چې دغه خبر هډو خپروئ مه چې درې مظاهره چیان وژل شوي دي او وس دغه خبر نه ورکول کیږي.
Blanket censorship on media and media-owners timidity in reporting the facts and just spitting out one-Sided propaganda is most despicable. How would people know what exactly is happening in North Waziristan when mobile and internet and all communications remain suspende.
— Imtiaz Alam (@ImtiazAlamSAFMA) May 26, 2019
د سویلي ایشیا د خبریالانو د سازمان سېپما ستر سيکتر امتیاز عالم په ټویټر لیکلي دي
په ټوله میډیا سنسر شپ د شرم خبره ده، که موبایل او انټر نیټ بند وي نو څنگه به معلومیږي چې په شمالي وزیرستان کې څه روان دي؟
After the way Pakistani media has covered security forces%27 attack on peaceful protesters of #PTM today, it will be difficult to trust anything coming from our media or even the security forces. Sorry guys, you brought this to yourself.
— Marvi Sirmed (@marvisirmed) May 26, 2019
ټولنيزې فعالې ماروي سرمد ليکلي دي په کوم ډول چې د پاکستان میډیا د امنيتي ادارو په پرامنه خلقو د حملې خبرونه خپاره کړل په اینده کې به د پاکستان په مطبوعاتو څوک یقين وکړي؟
په پېښور پوهنتون کې د صحافت د څانگې استاد ډاکټر فیض الله جان په فیس بک ليکلي دي، داسې بریښي د ټولو ټي وي چینلونو د خبرونو مرکزي دفتر یو دی .