د امریکا صدر ډانلډ ټرمپ ويلي دي چې بې گناه دی خو بد او ټگمار ورپسې شوي دي. هغه په یو ټویټ کې ولیکل چې د سیاسي انتقام غیر قانونه مهم بندیدل پکار دي.
صدر ټرمپ په هنوي کې د شمالي کوریا د مشر کیم جونگ اون سره د ملاقات نه په ستنیدلو یو وار بیا خپلو سیاسي مخالفینو ته ځوابونه ورکړي دي.
صدر ټرمپ په دریم مارچ په ټویټر ليکلي دي چې په تیرو دوه و کلنو کې د صدر د تنگولو په مهم کې ثابته شوه چې ډیموکرېټانو او نورو قانون مات کړی دی.
After more than two years of Presidential Harassment, the only things that have been proven is that Democrats and other broke the law. The hostile Cohen testimony, given by a liar to reduce his prison time, proved no Collusion! His just written book manuscript showed what he.....
— Donald J. Trump (@realDonaldTrump) March 3, 2019
...said was a total lie, but Fake Media won’t show it. I am an innocent man being persecuted by some very bad, conflicted & corrupt people in a Witch Hunt that is illegal & should never have been allowed to start - And only because I won the Election! Despite this, great success!
— Donald J. Trump (@realDonaldTrump) March 3, 2019
د امریکې په ایوان کې د قانوني کمیټۍ مشر اراده لري چې د کال 2016 په صدارتي انتخاباتو کې د ټرمپ د روس سره د اړیکو په حقله د وایټ هاوس او قانون د محکمې د چارواکو په گډون د 60 کسانو نه معلومات وغواړي.
د ډیمو کریټ گوند غړي او په ایوان کې نماینده جیرالډ ناډلر ای بي سي خبري ادارې ته ويلي دي د قانون د لارې د نیولو، د بډو رشوتونو، او د طاقت د بې ځایه استعمال په حقله تحقیقات کول او د امریکايي اولس خبرول ضروري دي.
هغه وویل چې د وایټ هاوس د چارواکو نه علاوه د صدر ټرمپ د مشر ځوي ټرمپ جونیر نه هم به هم اختنې پوښتنې کیږي.
هغه وویل صدر ټرمپ په تیرو دوه کالو کې د قانون لاره نیولی ده. د هغه تر مخه د صدر ټرمپ پخواني وکيل مایکل کوهن د اولسي اورېدنې په مهال ومنل چې صدر ټرمپ د صدارت په موده او پخوا هم په یو شمېر جرمونو کې ککړ دی.
ناډلر وویل چې تر اوسه کره معلومات نه لري خو غواړي چې د کره تحقیقاتو اغاز وشي.
کوهن په خپل اولسي سپیناوي کې صدر ته نسل پرست، ټگ، او بې ایمانه ويلي وو، هغه ایوان ته د بینک دوه داسې چیکونه هم ښکاره کړل چې صدر ټرمپ اوځوي یې ورته بیل بیل لیکلي وو.
دکوهن تر مخه دا پېسې ورته دوي د بربنډو فلمونو د اداکارې سټورمي ډینیل د صدر ټرمپ سره د پخوانیو رسوایو پټو ساتلو لپاره ورکړې وې.
ټرمپ وویل چې د دروغجن کوهن په طرفداره اورېدنه کې ددې نه پرته هيڅ نه وو چې د خپل قید موده راکمه کړي. دصدر ترمخه کوهن په خپل کتاب کې ولیکل چې څه چې یې ویل دروغ وو خو جعلي میډیا دغه خبرې نه بیانوي.
د مخالفه گوند ډیموکریټ یو سینیټر او د حساسه معلوماتو د کمیټۍ غړي مارک وارنر سي این این خبري ادارې ته ويلي دي د کوهن د تازه اوریدنو نه ورستو وس باید د صدر ټرمپ په حقله معلوماتو ته نوره ژوره کتنه وشي.
د صدر ټرمپ د خپلو مخالفينو او مطبوعاتو سره په یو شمېر لانجو تاو تریخوالی روان دی چې یوه پکې دکال 2016 د صدارتي انتخاباتو په وخت د روس لاس وهنه او د صدارتي چندې ناجایزه استعمال ده.