تيره ورځ د پاکستان په پارليمان کې د داخلي او پارليماني چارو وزير علي محمد خان وغوښتل چې د بلوچستان ځينې سيمې دي ناورين وهلې وګرزورل شي.
ښاغلي علي محمدخان په پارليمان کې قراداد راوړ چې پکې ليکل شوي چي د بلوچستان ۱۸ ضلعې له سختې وچکالۍ سره مخ دي.
علي محمد خان دپارليمان غړو ته وويل چي د وچکالۍ له کبله د بلوچستان له ځينو سيمو خلک په کډه شوي دي.
په قراداد کې ليکل شوي چې له وچکالۍ اغيزمنو سيمو کې خلک زيانمن شوي خپل ژوند يې له لاسه ورکړی، څاروي يې مړه شوي او په ډيرو سيمو کې اوبه وچې شوي خلکو کډې کړي دي.
د علي محمد خان په وينا چي پر ملکي او ايالتي کچه بيړنی حالت خوندي ساتونکې محکمې د بلوچستان او سيند ايالت د وچکالۍ اغيزمنو سيموکې له خلکو سره مرستې کوي.
هغه زياته کړه چي د وچکالۍ د ناورين د مخ نيوي لپاره يې پر دولتي کچه یې د ورکشاپ تصميم نيولی چي په دې ورکشاپ کې به له نړيوال بسپنه ورکونکو څخه هم د ګډون غوشتنه کوي.
پارليمان د علي محمد خان راوړل شوی قرارداد منظور کړ او د بلوچستان ۱۸ سيمې يې ناورين وهلي وګرزولې.
د ۲۰۱۸ کال د دسمبر په مياشت کي د بلوچستان د کورنیو چارو ایالتي وزیر سلیم کھوسه رسنيو ته ويلي ؤ " په ایالت کې تر ۱۸ زياته ضلعې له وچکالۍ سرہ مخ دي چي له امله يې خلک او څاروي اغېزمن شوي ".
