د کوټې ډویژن د ځنڰلاتو مشر نیاز کاکړ وایي په بلوچستان پوهنتون کې په قانونه ډول د ونو پرېکولو په جرم کې ددغه پوهنتون د وائس چانسلر په ضد مقدمه درج کړل شوې ده.
وائس اف امریکه ډيوه سره خبرو کې هغې ویلي چې د کوټې پر سریاب روډ بلوچستان پوھنتون کې د ونو (درختو) د پرېکیدلو خبر ترلاسه کیدو سرہ یې سم پوھنتون ته د ځنڰلاتو د محکمې افسران لیږلي وؤ دموقعې جاج یې اخستی ؤ.
دهغه په وینا “زموږ افسرانو لیدلي وو چې د څلويښتو او پنځوسو کالو د عمر ۴۵ درختې پرې کړل شوې وې “۔
د نیاز کاکړ په وینا د پوھنتون د مشر یا وائس چانسلر جاوید اقبال په ضد یې ځکه د ځنڰلاتو د قانون لاندې مقدمه کړې چې ھغه د پوھنتون مشر او ذمه وار دی.
نوموړي وویل دغه مقدمه د ځنګلاتو د افيسر (فارسټ ګارډ ) محمد رمضان له لوري درج کړل شوي ده.
نياز کاکړ وويل چي د پوهنتون مشر (وايس چانسلر ) به د عدالت د جج (مجسټريټ ) مخ ته حاضريږي او د درختو د پرېکولو د تور سپيناوی به کوي.
"زموږ هڅه به دا وي چې د پوهنتون و مشر ته سزا او جرمانه ورکړل شي او دنورو خلکو لپاره د عبرت سبب وګرځي"
د پوھنتون د ترجمان امیر حمزہ په وینا ھغه ونې پریکړل شوې دي چې وچې شوې وې
هغه دمقدمه کوونکي په خلاف په غصه وویل “موږ خو زرڰونه ونې لڰولې دي د ھغو ذکر خو څوک نه کوي"
خو د نیاز کاکړ په وینا د قانون له مخه هيچا ته دا اجازت نشته چې وچه يا زرغونه ونه دې پرېکړي.
هغه وويل که کوم څوک دخپل کور يوه درخته هم د ضرورت لپاره پريکوي نو اول به د ځنګلاتو له محکمې اجازت اخلي ۔
نوميالي قانون پوهه او وکيل اسحاق ناصر ډيوه ته وويل " که څوک د ضرورت لپاره يوه وړه ونه هم پرېکوي اول به د هغې ونې په بدل کې دوه نيالګي لګوي او که داسي ونکړي نو جرمانه به پرېکوي.
د اسحاق ناصر په وينا دځنګلاتو دمحکمې چالان د پوليسو د ايف ايي ار برابر دی.
د نياز کاکړ په وينا يوه ونه په يوه کال کې 260 پونډه اکسيجن پيدا کوي ، هغه وويل دوه ونې د څلورو کسانو لپاره د يوه کال اکسيجن پيدا کوي ۔
د چاپيريال د خوندي ساتلو نړيوالې اتحاديې دبلوچستان دپخواني مشر فيض کاکړ په وينا بلوچستان له اوله له وچکالۍ سره مخ دی، په کوټه ښار کي ونې د نيشت برابرې دي په داسي حال کي ونه پرېکوکل لویې جرم دی.
هغه وويل که د پوهنتون درختې زرغونې وې او له ډير زيات ضرورت پرته پرېکړل شوې وي نو په دې جرم ککړ خلکو ته دې سخته سزا ورکړل شي ۔
