د پاکستان د پنجاب صوبې په لاهور ښار کې ځایي عدالت هغه ١١ نيولې شوي چينایي وګړي د دوو ورځو په جسماني ريمانډ د پليټنو مرکزي اداې ايف ای اې ته سپارلي په چا چې د جعلي ودونو په پلمه د پاکستاني جينکو چين ته د جنسي کاروبار لپاره د قاچاق کولو تورونه دي .
د خالي په ورځ د لاهور ځاي عدالت دغه ١١ چينایي وګړي په داسې حال کې د نورو پلټنو دپاره ايف ای اې ته سپارلي چې په هېواد کې د هاغو چينایي وګړو پر ضد عمليات دوام لري چې د ودونو په پلمه پاکستاني جينکۍ د جنسي کاروبار او د انساني اندامونو د خرڅ لپاره چين ته قاچاق کوي .
د ايف ای اې د شمېرو تر مخه تر دې دمه پدغه عملياتو کې د پاکستان د سرښار اسلام اباد او د پنجاب د لاهور، فيصل اباد، ګجرانواله سیمو نه لږ تر لږه ٣٠ چنيایي وګړي نيول شوي دي .
په پاکستان کې د ودونو په پلمه د پاکستاني جينکو د جنسي کاروبار لپاره چين ته د قاچاق کيدو د خبرونو مخې ته په راتلو د هېواد د سينيټ د کورنو چارو کميټې هم انديښنه ښکاره کړې او په دې اړه ېې ايف ایي ای ته د بشپړه پلتنو امر کړې .
د کميټې مشر رحمان ملک کميټې ته ويلي چې په دې ناوړه دنده کې ککړ درې پادريان هم نيول شويدي .
کميټې ته داهم ويلي شوي چې په تير يو کال کې ١٥٠ پاکستاني جينکې چين ته د ودنو په پلمه بوتللې شوي .
اخوا ورځپاڼ ايکسپريس ټريبيون په بيجنګ کې د پاکستان د سفارت د سرچينو له قوله وايي چې سفارت ددغه شان جعلي ودونو ښکار شوي ٢٠ پاکستاني جينکې هېواد ته بيرته راليږلې دي .
پاکستان کې د چين سفارت هغه راپورنه رد کړي چې پکې د چينايانو لخوا د ودونو په پلمه د پاکستاني جينکو د جنسي کاربار او د انساني اندامونو د خرڅولو دپاره چين ته د قاچاق کولو تورونه دي .
