په بلوچستان کې د بشري حقوقو سازمان وايي چې تېر کال په صوبه کې د 73 تنو مړي تر لاسه شوي دي او 24 نوي د جبري بې درکه شوو کسانو کېسونه له دوی سره ثبت شوي دي.
د بلوچستان صوبایي وزیرانو د بشري حقونو د سازمان دې رپوټ ته له جواب ویلو ډډه کړې ده.
د کوټې په پریس کلب کې د کالني رپوټ د وړندې کېدو په مهال د بشري حقونو د سازمان صوبايي مشر حبیب طاهر ایډوکېټ په صوبه کې د تشدد پر روانو پېښو سخته اندېښنه څرګنده کړې ده او وایي په صوبه کې چې نن سبا حالات خراب دي لوی سبب یې د خلکو بې درکي ده:
د بشري حقونو سازمان وایي په تېر یوه کال کې هغه 30 کسان هم را خوشي شوي دي چې له تېرو شپږو کلونو راهیسې بې درکه وو.
