له سعودي وروسته به پاکستان ایي ایم ایف نه هم پور ترلاسه کړي؟

د سعودي عرب له اړخه د پاکستان د پاره د ۴.۲ اربه ډالرو د پور داعلان نه وروسته احتمال ښودل کیږي چې د نړیوال مالیاتي فنډ یا ایي ایم ایف له لوري به هم پاکستان ته دیو ارب ډالرو پور منظور کړی شي-

پاکستان د کال ۱۹۵۰ راهسې د نړیوال اقتصادي فنډ غړی دی اؤ دخپل ګډوډ اقتصادي وضعیت او په وارداتو د زیاتې اډاڼې له امله کال ۲۰۱۹م پورې پاکستان ۲۲ ځله د ايي ایم ایف څخه پورونه اخستي دي-

اقتصاد پوهه پروفیسر منظور علي وي او ای ډیوه سره خبرو کې وایي دا دپاکستان تاریخ پاتې شوی دی چې د غیرمستحکم اقتصاد له امله د پاکستان هر حکومت هڅې کړي چې دایي ایم ایف نه پور ترلاسه کړي خو د سختو شرطونو له کبله یې دپورونو دا پروګرامونه ډير کم سرته رسیدلي دي-

د پروفیسر منظور علي په وینا اوسنی حکومت هم دغه ستونزې سره مخ دی ځکه چې دپاکستان په څېر هیواد چې ګراني پکې د مخکې نه ډیره زیاته ده دغه شرطونه نه شي زغلمی-

داسټیټ بانک د شمیرو تر مخه دپاکستان بهرني پورونه د روان کال د جولايي تر میاشتې 122 بیلینه ډالرو ته رسیدلي دي-

تیرو لسو کلونو کې دوه چنده شوؤ دغو پورونو کې تر ټولو زیات د عمران خان د واکمنۍ په دوره کې ترلاسه کړی شوي دي.

اقتصاد پوهه سجاد احمد ډیوه ته وایي د پاکستان اقتصاد به تر هغه نه سمیږې ترڅو هیواد ته بهرنۍ پنګې نه وي راغلې، صادرات سیوا شوي نه وي یا بهرنیو هیوادونو کې دمیشت پاکستانیانو له اړخه د رالیږونکو پیسو کچه نه وي زیاته شوې-

د پاکستان بیورو اف سټیټسټکس د شمیرو تر مخه کال ۲۰۲۱ د جولایې تر میاشتې دپاکستان تجارتې خساره ۳۱.۱ بیلینو ډالرو ته رسیدلې چې د کال ۲۰۱۹ اؤ ۲۰م په مقابله کې ۳۴ فیصده زیاته ده-

پر پاکستان دچین له اړخه دورکړل شوؤ پورونو د ۱.۴ بیلینه ډالرو دقسط بېرته ستنولو د پاره هم فشار دی.

د خزانې د پاره د وزیراعظم سلاکار شوکت ترین که څه هم د سعودي عرب له اړخه اعلان شوې ۴.۱ بلین ډالر د اقتصاد د پاره ګټول ګرځوي خو د څیړونکو وینا ده چې د پاکستان د پاره د ایي ایم ایف پروګرام ډیر ضروري دی ولې چې د دې له امله نورو نړیوالو مالیاتي ادارو څخه قرضې ترلاسه کولو کې اساني وي او که چرې دا لوظنامه ناکامه شوه نو د سعودې پیسې د هیواد د اقتصاد د پاره هیڅ هم نه کولی-