بنګله دېش کې په سرکاري نوکریو کې د ځانګړې کوټې د نظام په ضد د زده کوونکو له سختو احتجاجونو وروسته ددغه هیواد ستر عدالت یا سپریم کورټ د کوټې د نظام په اړوند د هایکورټ په حکم عمل درامد ودرولی.
د اتوار په ورځ د بنګله دیش یو شمیر رسنیو اؤ ډان نیوز پخپل رپورټ کې ویلي چې د بنګله دېش سپریم کورټ د هایکورټ فیصله غیر قانوني بللي اؤ امر یې کړی چې د ازادۍ جګړه کې د برخه اخستونکو پوځيانو د کورنیو د غړو لپاره دې سرکاري ملازمتونو کې پینځه فیصدي کوټه پځای وساتل شي.
هایکورټ تېره میاشت په سرکاري ملازمتونو کې د کوټې نظام بحال کړی ؤ چې د هغې په ضد په ډهاکه اؤ نورو بیلابیلو ښارونو کې طالبعلمانو سخت احتجاجونه پیل کړي وؤ.
د تېرو پینځوؤ ورځو راهسې د بنګله دېش بیلابیلو ښارونو کې د پولیسو اؤ مظاهره چیانو تر منځ د نښتو لړۍ روانه وه چې په هغې د قابو نه موندل کېدو وروسته وزیراعظمې شیخ حسینه واجد تېره ورځ په هیواد کې کرفیو پځای کړې وه اؤ پوځ یې رابللی ؤ.
په ټول بنګله دېش کې د زیارت د ورځې راهسې د موبایل فون اؤ انټرنیټ خدمات تړل شوي وؤ اؤ په احتجاجونو د قابو موندلو لپاره حکومت په ولسي غونډو بندیز هم لګولی ؤ.
مقامي ټي وي چینلو د پولیسو په حوالې ورکولو سره د خالي ویلي وؤ چې د جمعې په ورځ مظاهره چیانو د ډهاکه په نارسنګدي ضلعه کې په یو زندان حمله کړې وه اؤ له هغې یې ۸۵۰ بندیان خوشې کړي اؤ بیا یې د زندان ودانۍ ته اور لګولی ؤ.
د خالي په ورځ هم د ډهاکه په بیلابیلو سیمو کې د اړي ګړي پېښې رپورټ شوې وې.
خبري ادارې ای ایف بي د وزیراعظمې د دفتر د پریس سکتر په حواله ویلي چې وزیراعظمې شیخ حسینه واجد د تاوجن وضعیت له امله خپل د اسپین اؤ برازیل سفرونه ځنډولي دي.
ټاکل شوې وه وزیراعظمه شیخ حسینه واجد به نن د اتوار په ورځ د اسپین اؤ برازیل په سفر روانېدله.
په بنګله دېش کې طالبعلمانو دا احتجاجونه په سرکاري نوکریو کې د ۱۹۷۱ د ازادۍ په جګړه کې د شاملو کسانو د کورنیو د غړو لپاره د ۳۰ فیصدي کوټې د ځانګړي کولو خلاف کول.
مظاهره چیان تور لګولو چې د ۳۰ فیصده کوټې ګټه به د وزیراعظمې شیخ حسینه واجد ګوند عوامي لیګ ته رسي.
عوامي لیګ هغه ګوند ؤ چې مشر یې شیخ مجیب الرحمان په ۱۹۷۱ کې پاکستان نه د بیلتون اخستو لپاره د بنګله دېش د جوړولو د تحریک مشري کړې وه.
په بنګله دېش کې د ستر حکومت مخالفه ګوند بنګله دېش نیشنلسټ پارټۍ جلا وطنه قایمقام مشر طارق الرحمان پخپل یو بیان کې ویلي چې د مظاهرو په مهال د حکومت مخالفه ګوندونو یو شمیر مشران ، فعالان اؤ طالبعمان نیول شوي دي.
د بشري حقونو نړیوالو تنظیمونو بنګله دېش کې د انټرنیټ د تړل کېدو اؤ د امنیتي ځواکونو لخوا په مظاهره چیانو د تشدد غندنه کړې ده.
اروپایي یونین خپل یو بیان کې د تشدد اؤ مظاهرو په مهال په رامنځته شوؤ وژنو اندېښنه ښکاره کړې ده
Forum