د امریکې وتلي فلمي ادارې اېنجلینا جولي پاکستان نه په "ناڅاپه" ډول د افغانانو په وېستل کېدو د خفګان اظهار کړی او ویلي يې دي چې دا د افغانانو د مشکلاتو په اوږد تاریخ کې "نوې غمیزه" یا ټرېجډي ده.
جولي په انسټاګرام یو پېغام کې وویل افغانان په داسې حال کې ملک ته ستنول کېږي چې افغان مېرمنې د حقونو او تعلیم نه محرومه کړی شوي دي.
هغې وویل دا په نړیواله کچه د انساني حقونو د بېرته تګ یو بل مثال او د افغان ولس "د مشکلاتو د اوږد تاریخ نوي غمیزه ده."
اېنجلینا جولي زیاته کړه چې د تېرو څلوېښتونو کلونو نه د زیات وخت راهسې افغانانو د جنګ او د بې کوره کېدو نه علاوه بل څه نه دي لیدلي او نړۍ ورسره د ښه سباون په اړه کړې وعدې هېرې کړي دي.
د پاکستان د دې اعلانه وروسته غېرقانوني بهرنیان دې د نومبر د وړمبۍ نېټې څخه د ملک نه ووځي د هغو افغانانو وطن ته د ستنېدو لړۍ شروع شوي چې په پاکستان کې د اوسېدو قانوني اسناد نه لري.
د پاکستاني چارواکو ترمځه په تېرو دوو میاشتو کې تر دوو لکو او نوي زرو پورې افغانان ستانه شوي دي.
اېنجلینا جولي وویل پاکستان د لسیزو راهسې د افغان کډوالو ملاتړ کړی خو دې خبرې "خفه کړې یم" چې افغانان په ناڅاپه ډول بېرته افغانستان ته لېږل کېږي چې په داسې افغانستان کې ژوند وکړي چې د هغې په قول ښځې په کې د حقونو او د تعلیم نه محرومه کړی شوي دي.
په افغانستان د بیا واکمنېدو نه پس طالبانو د ښځو په اعلا تعلیم او کار روزګار پابندۍ لګولي دي. طالبان د ښځو په اړه د خپلې تګلارې دفاع کوي، وايي ښخو د تعلیم او روزګار دپاره به د اسلام او افغان دود دستور سره سم حالات برابروي.
Forum