بلوچستان کې په امنیتي ځواکونو د وسله والو بریدونوو کې څلور عسکر وژل شوي،اته ژوبل

د پاکستان په ناکراره صوبه بلوچستان کې پر امنيتي پوستو د وسلوالو بريدونو کړي چې د چارواکو په وینا څلور عسکر پکې وژل شوي اؤ 8 نور ټپيان شوي دي.

چارواکي وايي تېره شپه ناوخته دغه بريدو د صوبې په بېلا بېلو سيمو کې رامنځته شوي اؤ وسله والو د امنيتي عسکرو وسله هم له ځان سره وړې ده.

نظامي چارواکو وايي لومړۍ پېښْه دايران له سرحدى پولې سره نزدې د ضلعه کېچ په تربت سیمه کې هغه مهال رامنځته شوې کله چې وسلوالو د ایف سي ځواک پر یوه پوسته باندي ډزي وکړې.

د امنیتي چارواکو په وینا په دې برید کې لږ تر لږه درې عسکر وژل شوي اؤ شپږ نور ژوبل شوي دي اؤ وسله والو د عسکرو وسلې هم له ځان سره وړي دي.

د بلوچستان د کورنیو چارو د وزرات سرچینو وي او اې ډيوه ته ویلي دویمه پېښْه د قلات توغو چهپر په سيمه کې شوې چې دغلته وسله والو د لیویزو پر یوه څوکۍ ناتاره ډزې کړي.

سرچینې وایي په دې برید کې یو عسکر وژل شوی اؤ دوه نور ژوبل شوي دي.

د کورنیو چارو د وزارت سرچینې وايي دریم بريد د ضلعه اواران په مشکۍ سیمه کې د پوليسو پر یوه ټانه باندي شوی دی.

سرچینې وایي چې په دغه برید کې پولیسو ته کومه مرګ ژوبله نه ده اوښتې خو وسله والو د یو عسکر وسله له ځان سره وړې ده.

د دې پښو ذمه وارۍ لا چا پغاړه نه دي اخستي، خو بيا هم چارواکي شک کوي چې بلوڅ وسلوالى ډلي به په دغو پېښْو کې ککړې وي ځکه چې اکثره بلوچستان کې په امنیتي ځواکونو د کیدونکو بریدونو پړه بلوڅ وسله والې ډلې پغاړه اخلي.

چارواکي وایي د پېښو پلټنې یې پيل کړې دي ، خوتر دې وخته د یادو پېښو په تړاؤ څوک نه دي نیول شوي.

په بلوچستان کې له تېرو دوو لسیزو راهیسې ازادي غوښتونکي بلوڅ وسلوال تنظیمونه فعاله دي چې په وروستیو میاشتو کې یې خپل بریدونه زیات کړي دي.

دوی نه یواځې پر پاکستاني امنیتي ادارو بلکې د ګوادر په ګډون په صوبه کې د ټولو پرمختیایي منصوبو پر کارکوونکو بریدونه کوي

د غېر دولتي ادارې پاکستان انسټيټيوټ اف کنفلکټ اېنډ سيکيورټي سټډيز (پيکس) د رپورټ له مخې تېره د جنورۍ میاشت کې په بلوچستان صوبه کې لږ تر لږه په 24 بریدونه شوي چې په کې د 28 امنيتي عسکرو په ګډون 55 کسان وژل شوي دي.