په کوټه کې د حکومت او د هزاره ټولنې احتجاجي پرلت کوونکو مذاکرت کامیاب شوي او حکومتي چارواکي وايي د احتجاج کوونکو غوښتنې يې منلي دي.
احتجاج کوونکو له تېرو شپږو ورځو راهسې د بلوچستان د مچ په سيمه کې د وژل شويو خپلو مړو د جسدونو ترڅنګ په احتجاج ناست وو.
د شيعه مذهبي ګوند مجلس وحدت مسلمين جنرل سيکرېټري ارباب لياقت په خبره احتجاج کوونکو خپل پرلت د ختموولو او د وژل شویو کسانو مړي د ښخوولو اعلان وکړو.
د کوټې پر مغربي بای پاس احتجاجي پرلت پس له هغې پيل شو چې د بلوچستان د بولان مچ په سيمه کې د دې مياشتې پر دويمه نېټه وسلوالو د مچ په کوله کانونوکې کارکونکي لس د هزاره ټولنې غړي ووژل.
داعش وسله والې ډلې د دغه کسانو د وژلو ذمه واري ومنله.
د دې وروسته د مجلس وحدت مسلمين او د وژل شویو کورنيو سره له لسو جنازو احټجاجي پرلت شروع کړو.
احتجاج ته د وينا پر مهال د پاکستان مزکري وزير علي زيدي په خپلو خبرو کې وويل په لومړي ځل د تحريک انصاف حکومت له هزراو سره ليکلې معاهده وکړه چې پکې د احتجاج کوونکو غوښتنې منل شوي دي.
د علي زيدي په خبره د معاهدې اول شرط خو عملي شوی هم دی او کومړ زمه وارو افسرانو چې غفلت کړی معطله کړل شوي دي، د مچ د پيښې د پلټنې لپاره به کميشن جوړيږي، کميشن به په تېرو دويشتو کلونو کې پر هزاره ټولنې د بريدونو د پيښو پلټنې کوي او پر هزارو په بريدونو کې د ککړو ترهګرو پرضد به د سزا جزا عمل ګړندی کوي او د هزارو د لادرکه کسانو معلومات به کوي ۔
د بلوچستان حکومت به د وژل شویو کسانو کورنيو ته پنځلس لکه روپۍ ورکوي ،ايالتي حکومت او وفاقي امنيتي ادارې به د امنيت خوندي ساتلو لپاره د سيکورټي پلان ته بيا کتنه کوي ، په بلوچستان کې به د کويلې په کانونو کې کارکوونکو هزاره شيعه ګانو د حفاظت پلان به ترتيبه وي ، د هزارو د پاسپورټ او شناختي کارډ د ستونځو د حل لپاره به د پاسپورټ او نادره دفترونه خصوصي کمېټي جوړوي.
علي زيدي زياته کړه د هغه په محکمه کې به د وژل شویو و ماشومانو ته تعليمي سکالرشپ ورکوي ۔
له کاميابه مزاکراتو وروسته د بلوچستان اعلا وزير جام کمال و احتجاج کونکو ته په خپله وينا کې کې وويل نور بس دی نوردا حالت بس دی ، نور به داسې فيصلې کوي چې فيصلې د قامونو حالت بدلوي ۔ "ډېرې زياته ستونځې دي ، په تېرو وختونو کې شايي موږ ډېر سنجيده نه وو يا قصدا مو کړي يا به مو د ضرورت لپاره ډېر څه په سوچ سمج سره کړي وي ،خو اوس د دې شيانو د کولو هيڅ امکان نشته ۔موږ خپل ځان خپل ښار ، خپل قام او خپل وطن پر مخ بول دي موږ ته ډيرې داسي فيصلې کول دي کومې فيصلې چي د قامونو تقديرونه او د قامونو حالات بدل کړي"۔
پر دې موقع د پاکستان د سېنټ مرستيال مشر قاسم سوري په خپله وينا کې وويل چې د پاکستان وزير اعظم عمران خان او د پاکستان د پوځ مشر جنرل قمر جاويد باجوه به هم د وژل شویو له کورينو سره د غم رازي لپاره ډېر ژر کوټې ته راشي.
ياده دي وي چې عمران خان ويلي وو چې احتجاج کونکي دي مړې ښخ کړي بيا به کوټې ته ورشي ۔
