د غزې د تړون برخه: اسرایل د خپل دریو یرغمل کسانو په بدل کې ۱۸۳ فلسطینیان خوشي کړل

حماس د خالي/ شنبې په ورځ درې نور اسرایلي برمته شوي کسان خوشې کړل، دا د اوربند د تړون یوه برخه ده، بل اړخ ته اسرایل ۱۸۳ فلسطیني بندیان ازاد کړل.

دا تېره میاشت د اوربند له توافق وروسته پنځم ځل دی چې د اسرايل او حماس ترمنځ د بندیانو تبادله کېږي.

اې ایف پي راپور ورکړی د حماس لخوا د خالي په ورځ د درېیو یرغمل شويو اسرایلیان د خوشې کېدو په بدل کې اسرايل ۱۸۳ فلسطیني بندیان خوشې کړې دي.
د اې ایف پي په راپور کې راغلي چې د درېیو خوشې شویو اسرايليانو خراب روغتیايي حالت د یرغمل شویو د کورنیو غړي ناهیلي کړي دي.

بلخوا د فلسطین د بندیانو د مدافعې ډلې وویلي چې د اسرایل لخوا د خوشې شویو ۱۸۳ بندیانو له شمېرې اوه تنه یې په روغتون کې داخیلیدو ته اړتیا لري.

دا د پنځم ځل لپاره دی چې برمته شوي کسان د اوربند له پیل راهیسې تبادله کېږي. هغه کسان چې خوشې شوي دي، ایلي شارابي (۵۲ کلن)، اوهاد بن امي (۵۶ کلن) – دواړه د “کبوتز بیري” له کرنیزې ټولنې څخه برمته شوي وو. اور لیوي (۳۴ کلن) – د “نوا میوزیک فېسټیول” څخه نیول شوی و.

د دې په بدل کې، اسرایل د خالي/شنبې په ورځ ناوخته ۱۸۳ فلسطیني بندیان خوشې کړي.

د اوربند لومړی پړاو به د شپږو اونیو لپاره دوام وکړي. حماس به ۳۳ اسرایلي برمته شوي کسان خوشې کوي. اسرایل به سلګونه فلسطیني بندیان خوشې کوي.

تر دې دمه، ۱۳ اسرایلي برمته شوي کسان او ۵ تایلینډي کارکوونکي ازاد شوي، او ۶۰۰ فلسطیني بندیان له زندانونو خوشې شوي دي.

د ټرمپ د غزې د مالکیت پلان، ټرمپ وړاندیز کړی چې غزه باید له فلسطینیانو پاکه شي. امریکا دې د دې سیمې ملکیت واخلي. ټرمپ ویلي، دا باید د “جایداد د راکړې ورکړې” په بڼه وکتل شي. ښاغلي ویلي ، چې اسرایل به د امنیت ساتلو مسوول وي، نه امریکا.

د اسرایل صدراعظم بنیامین نتنیاهو د دې نظر هرکلی کړی او ویلي یې دي، دا “یو اصلي نظر” دی. د ټرمپ پلان د امریکا د متحدینو او مخالفینو له‌خوا غندل شوی. فلسطینیان، اردن، او نور هېوادونه د دې پلان سخت مخالفت کوي.

د اسرایل دفاع وزیر د فلسطینیانو د وتلو پلان: دفاع وزیر “اسرایل کاتز” امر کړی چې د فلسطینیانو د وتلو لپاره دې پلان جوړ شي. ویلي یې دي، فلسطینیان کولی شي ”هر هغه هېواد ته لاړ شي چې دوی مني.

بل اړخ ته د اسرایل دفاعي ځواک ویلي، د اوربند د تړون یوه برخه ده چې درې ډلې یې د غزې په بېلابېلو برخو کې ځای پر ځای کړي دي. پوځ ویلي، دوی د “اسرایلي وګړو د ساتنې” لپاره چمتو دي.

د جمعې په ورځ، نتنیاهو د امریکا د استازو له مجلس سپیکر/ مشر مایک جانسن سره وکتل. بل اړخ ته صدر ټرمپ وایي ای سي سي د اسرایل او امریکا پر ضد “نامشروع” ګامونه اخیستي دي نو له وجې يي په بندیزونه اعلان کړل. محکمه وایي، بندیزونه د عدالت د مخنیوي هڅه ده. دا په ۲۰۰۲ کال کې د جګړې د جرمونو، بشري ضد جرمونو، او نسل وژنې د محاکمې لپاره جوړه شوې ده. دا محکمه د “روم اساسنامې” پر بنسټ کار کوي.

دا اساسنامه د ملګرو ملتونو لخوا په ۱۹۹۸ کې تصویب شوې وه، او په ۲۰۰۲ کې نافذ شوه.